'అమితాబ్​ సినిమాను రీమేక్​ చేయట్లేదు'

'నమక్​ హలాల్​' సినిమాను తన తండ్రి డేవిడ్​ ధావన్​ రీమేక్​ చేస్తున్నారంటూ వస్తోన్న వార్తలపై స్పందించారు హీరో వరుణ్​ ధావన్. అవన్నీ పుకార్లేనని​ స్పష్టం చేశాడీ బాలీవుడ్​ నటుడు.

బాలీవుడ్​ మెగాస్టార్​ అమితాబ్​ బచ్చన్.. 1982లో నటించిన సూపర్​హిట్​ చిత్రం 'నమక్​ హలాల్'. ఈ సినిమా​ను డేవిడ్​ ధావన్​ రిమేక్​ చేస్తున్నారనే వార్త.. బాలీవుడ్​లో ఇటీవల చక్కర్లు కొట్టింది. అయితే.. అవన్నీ పుకార్లేనని తేల్చాడు డేవిడ్​ కుమారుడు, నటుడు వరుణ్​ ధావన్​. ఓ మీడియా కథనాన్ని ట్విట్టర్​ వేదికగా షేర్​ చేసి.. ఇదంతా ఫేక్​ అని స్పష్టం చేశాడు.

​"మీరు నా మీద నమ్మదగిన కథలను ఎన్నైనా అల్లుకోండి. కానీ, మా నాన్నపై ఇలాంటివి వద్దు. ఇది పూర్తిగా ఓ తప్పుడు వార్త. మిమ్మల్ని నవ్వించడానికి ఈ క్రిస్​మస్​కు వస్తున్నా"

-- వరుణ్​ ధావన్​, నటుడు.

1995లో వచ్చిన 'కూలీ నెం.1' రీమేక్​లో బిజీగా ఉన్నాడు వరుణ్​. ఈ సినిమాకు తన తండ్రి డేవిడ్​ ధావన్​ దర్శకత్వం వహిస్తున్నారు. వరుణ్​కు జోడీగా సారా అలీ ఖాన్​ కనిపించనుంది. ఓటీటీ వేదికగా క్రిస్​మస్​కు ఈ చిత్రం ప్రేక్షకుల ముందుకు తీసుకురావాలని సన్నాహాలు జరుగుతున్నాయి.

స్టూడెంట్​ ఆఫ్​ ది ఇయర్ మూవీ​తో బాలీవుడ్​లో అడుగు పెట్టిన వరుణ్.. ఇటీవలే ఎనిమిదేళ్ల కెరీర్​ పూర్తి చేసుకున్నాడు.

ఇదీ చూడండి:క్యాన్సర్​నుజయించినసంజయ్ దత్