బాలీవుడ్ నటుడు వరుణ్ ధావన్ రచయిత దర్శకుడైన శశాంక్‌ ఖైతాన్‌ డైరెక్షన్లో ముచ్చటగా మూడోసారి నటించనున్నాడు. ఇందులో కియారా అడ్వాణి, భూమి పెడ్నేకర్‌లు కథానాయికలుగా నటించనున్నారు. పూర్తి రొమాంటిక్‌ కామెడీ కథగా తెరకెక్కుతున్న ఈ చిత్రానికి 'మిస్టర్‌ లేలే' అనే పేరును పరిశీలిస్తున్నట్లు చిత్ర వర్గాలు చెప్పుకుంటున్నాయి.
ఇప్పటికే చాలా పేర్లు పరిశీలించి చివరగా 'మిస్టర్‌ లేలే'ను ఖరారు చేసినట్లు తెలుస్తోంది. అన్నీ కుదిరితే వచ్చే ఏడాది మార్చిలోనే ఈ సినిమా సెట్స్‌పైకి వెళ్లనుందట. ఇప్పటివరకు కియారా, వరుణ్, భూమి కలిసి నటించిన సినిమా ఏదీ లేదు. ఇదే తొలిసారి.