Nani ante sundaraniki movie: 'శ్యామ్సింగరాయ్'తో హిట్ కొట్టిన నేచురల్ స్టార్ నాని.. మరో సినిమాతో ప్రేక్షకుల్ని అలరించేందుకు సిద్ధమవుతున్నారు. హాస్యభరిత చిత్రం 'అంటే సుందరానికీ' షూటింగ్ను ఆదివారంతో పూర్తి చేశారు. ఈ విషయాన్ని ట్విట్టర్ వేదికగా వెల్లడిస్తూ, ఓ వీడియో పోస్ట్ చేశారు.
ఇందులో నాని సరసన నజ్రియా హీరోయిన్గా నటించింది. ఈమెకు తెలుగులో ఇదే తొలి సినిమా. 'బ్రోచేవారెవరురా!' ఫేమ్ వివేక్ ఆత్రేయ దర్శకత్వం వహించారు. మైత్రీ మూవీ మేకర్స్ నిర్మించింది.
మెగాహీరో వైష్ణవ్తేజ్ కొత్త సినిమాకు 'రంగరంగ వైభవంగా' టైటిల్ ఖరారు చేశారు. కేతిక శర్మ హీరోయిన్గా చేస్తోంది. దేవిశ్రీ ప్రసాద్ సంగీతమందిస్తుండగా, గిరీశయ్య దర్శకత్వం వహిస్తున్నారు.
'నీకు బటర్ఫ్లై కిస్ తెలుసా?' అని హీరోయిన్, హీరోను అడిగి అతడికి ముద్దు పెడుతుంది. 'ఎలా ఉంది?' అని మళ్లీ ఆమె అడగ్గా.. నెక్స్ట్ లెవల్లో ఉంది వైష్ణవ్తేజ్ చెబుతున్న డైలాగ్స్ సినిమాపై ఆసక్తిని పెంచుతున్నాయి. ఈ సినిమాను రొమాంటిక్ ఎంటర్టైనర్గా తీస్తున్నట్లు తెలుస్తోంది.
DJ Tillu movie: 'డీజే టిల్లు' నుంచి మరోసాంగ్ వచ్చేసింది. ప్రముఖ సంగీత దర్శకుడు అనిరుధ్.. ఈ పాటను ఆలపించారు. 'పటాస్ పిల్లా' అనే లిరిక్స్తో ఉన్న ఈ గీతం.. ఆద్యంతం అభిమానుల్ని అలరిస్తుంది.