హీరో విజయ్, దర్శకుడు లోకేశ్ కనగరాజన్ కాంబోలో విడుదలైన 'మాస్టర్' సినిమా అభిమానులను అలరించింది. అయితే ముఖ్యంగా ఈ సినిమాలో 'వాతి కమింగ్' పాట.. చిన్నపిల్లల నుంచి పెద్దవారి వరకు.. సామాన్యుడి నుంచి సెలబ్రిటీ వరకు అందరినీ ఎంతగా అలరించిందో ప్రత్యేకంగా చెప్పనక్కర్లేదు. ఇప్పుడా సాంగ్ యూట్యూబ్లో 200మిలియన్ల వ్యూస్తో దూసుకెళ్తోంది.
జాతీయ పురస్కారాన్ని దక్కించుకున్న మలయాళ చిత్రం 'మరక్కర్'.. ఈ ఏడాది ఆగస్టు 12న ప్రేక్షకుల ముందుకు రానుంది. ఇందులో మోహన్లాల్ ప్రధానపాత్ర పోషించారు. ఆంటోనీ పెరంబూర్ నిర్మాతగా.. ప్రియదర్శన్ దర్శకత్వం వహించారు.
'మరక్కర్' రిలీజ్ పోస్టర్
యువ కథానాయకుడు కార్తికేయ గుమ్మకొండ కొత్త చిత్రం టైటిల్, ఫస్ట్లుక్ను ఆదివారం విడుదల చేయనున్నారు. ఈ చిత్రానికి రామా రెడ్డి నిర్మాతగా వ్యవహరిస్తుండగా.. శ్రీ సరిపల్లి దర్శకత్వం వహిస్తున్నారు.
కార్తికేయ గుమ్మకొండ కొత్త సినిమా అప్డేట్
మలయాళ హీరో పృథ్వీరాజ్ సుకుమారన్ దర్శకత్వంలో మోహన్లాల్ హీరోగా నటించిన చిత్రం 'లూసిఫర్'. ఈ చిత్రం బాక్సాఫీసు వద్ద ఘనవిజయాన్ని సాధించింది. మళ్లీ ఇన్నేళ్ల తర్వాత వీరిద్దరి కాంబినేషన్లో మరో సినిమా రూపొందనుంది. అంటోనీ పెరంబూర్ నిర్మాణంలో తెరకెక్కనున్న ఈ సినిమా 'బ్రో డాడీ' అనే టైటిల్ ఖరారు చేశారు. హీరో పృథ్వీరాజ్ సుకుమారన్ దర్శకత్వంలో రూపొందనున్న రెండో చిత్రమిది. ఇందులో మోహన్లాల్తో పాటు మీనా, పృథ్వీరాజ్, కల్యాణి ప్రియదర్శన్ కీలకపాత్రలు పోషించనున్నారు.
మోహన్లాల్, పృథ్వీరాజ్ సుకుమారన్ కొత్త సినిమా పోస్టర్
ఇదీ చూడండి..KGF 2: 'కేజీఎఫ్ 2' విడుదలపై క్లారిటీ!
