'బర్త్​డే రోజు వాళ్లు లేకపోతే ఏదోలా ఉంటుంది'

కుటుంబసభ్యులు లేకుండా పుట్టినరోజు జరుపుకోవడం వెలితిగా ఉందని అంటోంది బాలీవుడ్​ నటి వాణీ కపూర్​. ఈ ఏడాది తన తల్లిదండ్రులు, సోదరితో ఉండలేకపోతున్నానని ఆవేదన వ్యక్తం చేసింది.

బాలీవుడ్​ నటి వాణీ కపూర్​ ఆదివారం (ఆగస్టు 23) 32వ పడిలోకి అడుగుపెడుతోంది. ఈ సందర్భంగా కుటుంబ సభ్యులను తాను చాలా మిస్​ అవుతున్నట్లు వెల్లడించింది. ఆమె తల్లిదండ్రులు శివ, డింపీ కపూర్​.. సోదరి నుపూర్​ చోప్రా లేకుండా పుట్టినరోజు జరుపుకోవడం అసంపూర్తిగా ఉందని తెలిపింది.

"పుట్టినరోజు నాడు తల్లిదండ్రులు, సోదరి లేకపోతే ఏదో వెలితిగా ఉంది. నా జీవితంలో ముఖ్యమైన వ్యక్తులైన వారు ప్రతి విషయంలో భాగంగా ఉన్నారు. ఈ ఏడాది ఆ ముగ్గురిని మిస్​ అవుతున్నా. ఇంటికే పరిమితమైన నేను ఆనందంగా, ఆరోగ్యంగా ఉన్నా. తర్వాత ఏడాది అయినా బాగుంటుందని ఆశిస్తున్నా."

- వాణీ కపూర్​, బాలీవుడ్​ నటి

వాణీ కపూర్​.. తన పుట్టినరోజు నాడు ఆమె కుటుంబసభ్యులతో వీడియో కాల్ ద్వారా మాట్లాడింది. ​"ఈ ఏడాది నా పుట్టినరోజున ఇలా చిన్న చిన్న ఆనందాలైనా దక్కినందుకు చాలా సంతోషంగా ఉంది. నా స్నేహితులు వీడియో కాల్​ ద్వారా కేక్​ కట్​ చేయడానికి ప్రణాళిక చేస్తున్నారు. అలా కొత్త అనుభూతిని పొందుతాం. ఇలాంటివి జరగడం చాలా సరదాగా అనిపిస్తోంది" అని వెల్లడించింది వాణి.

అక్షయ్​ కుమార్​ హీరోగా తెరకెక్కుతోన్న 'బెల్​ బాటమ్​'లో హీరోయిన్​గా నటిస్తోంది వాణీ కపూర్​. దీంతో పాటు అభిషేక్​ కపూర్​, ఆయుష్మాన్​ ఖురానా కొత్త చిత్రాల్లోనూ కథానాయికగా ఎంపికైంది. 'బెల్​ బాటమ్'​ చిత్రీకరణ కోసం ఆమె త్వరలోనే స్కాట్లాండ్​కు వెళ్లే అవకాశం ఉంది.