బాలీవుడ్ హాట్బ్యూటీ ఊర్వశి రౌతేలా ప్రధాన పాత్రలో నటించిన సినిమా 'వర్జిన్ భానుప్రియ'. ఇందులో ఊర్వశి కాలేజీ విద్యార్థినిగా కనిపించనుంది. సంప్రదాయంగా పెరిగిన ఈమెకు పాత పద్ధతులంటే అస్సలు ఇష్టముండదు. అందుకే తన కన్యత్వాన్ని వదులుకోవాలని నిర్ణయించుకుంటుంది. ఈ క్రమంలో ఏం జరిగింది? అనేదే ఈ చిత్ర కథాంశం. జులై 16న జీ5 వేదికగా ప్రేక్షకుల ముందుకు తీసుకురానున్నట్లు చిత్రబృందం ప్రకటించింది. ఈ సందర్భంగా మాట్లాడిన ఊర్వశి.. పలు విషయాల్ని పంచుకుంది.
"కామెడీ చిత్రంగా తీసిన ఈ సినిమాలో స్త్రీ ఆకాంక్షకు అనుగుణంగా పితృస్వామ్యాన్ని అణిచివేసేందుకు నా పాత్ర ప్రయత్నిస్తుంది. చాలా వరకు యువతను ఆకట్టుకునేలా ఉంటుంది. ప్రేక్షకులను వారాంతంలో బాగా నవ్విస్తుంది" -ఊర్వశి రౌతేలా, బాలీవుడ్ నటి