సినీ తారలు ఎప్పుడూ అందంగా కనిపించాలని ఒత్తిడికి గురవుతుంటారని చెప్పింది బాలీవుడ్ నటి ఊర్వశి రౌతేలా. హీరోయిన్లతో పాటు హీరోలు అందంగా కనిపించేందుకు కష్టపడుతున్నారని తెలిపింది. 'సింగ్‌ సాబ్‌ ది గ్రేట్‌' సినిమాతో అరంగేట్రం చేసిన ఈ భామ.. 2015లో భారతదేశం తరపున మిస్‌ యూనివర్స్ పోటీల్లోనూ పాల్గొంది. తాజాగా మాట్లాడుతూ అందంపై తనదైన శైలిలో స్పందించింది.
"సినీతారలు ఎప్పుడూ అందంగా కనిపించాలని ఒత్తిడికి గురవుతుంటారు. అయితే చాలామంది కథానాయికలే అందంగా కనిపించడానికి, ఒత్తిడిని ఎదుర్కొంటుంటారని అనుకుంటారు. అది నిజం కాదు. హీరోలూ అందంపై చాలా శ్రద్ధ చూపుతుంటారు. వాళ్లు నిత్యం అందంగా కనిపించాలంటే ఏమీ చేయాలనే ఆలోచనలతో మధనపడుతుంటారు. డిజిటల్ మీడియా వచ్చిన తర్వాత తారలపై విపరీతంగా ట్రోల్స్ పెరుగుతున్నాయి. కనీసం మనపై ప్రతికూల వ్యాఖ్యలు రాకుండా ఉండాలంటే, సామాజిక మాధ్యమాల్లో కొంచెం అందంగా కనిపించాలి"