Unstoppable with NBK: 'అఖండ' సినిమాతో థియేటర్ల దగ్గర దుమ్ములేపుతున్న బాలయ్య.. ఓటీటీలోనూ అదరగొడుతున్నారు. ప్రముఖ తెలుగు ఓటీటీ ఆహాలో 'అన్స్టాపబుల్ విత్ ఎన్బీకే' టాక్ షోతో అభిమానుల్ని అలరిస్తున్నారు.
ఇటీవలే దర్శక దిగ్గజం జక్కన్న, ప్రముఖ సంగీత దర్శకుడు కీరవాణి పాల్గొన్న ఐదో ఎపిసోడ్ స్ట్రీమింగ్ అవ్వగా.. ఆరో ఎపిసోడ్ కోసం రవితేజ, దర్శకుడు గోపీచంద్ మలినేని షూటింగ్లో పాల్గొన్నారు. ఆదివారం ఈ షూటింగ్ జరిగింది. దీనికి సంబంధించిన కొన్ని ఫొటోలను సామాజిక మాధ్యమాల్లో పంచుకుంది 'ఆహా'. దీంతో అటు బాలకృష్ణ, ఇటు రవితేజ ఫ్యాన్స్ పండగ చేసుకుంటున్నారు. డిసెంబర్ 24న ఈ ఎపిసోడ్ స్ట్రీమింగ్ కానుంది.
రవితేజ ప్రస్తుతం 'ఖిలాడి' సినిమాలో నటిస్తున్నారు. రమేష్‌ వర్మ దర్శకత్వం వహిస్తున్న ఈ సినిమా యాక్షన్ థ్రిల్లర్గా తెరకెక్కనుంది. అలాగే ఇటీవలే 'అఖండ'తో ప్రేక్షకుల మదిదోచిన బాలయ్య.. త్వరలో గోపీచంద్ మలినేనితో ఓ సినిమా చేయబోతున్నారు.