మాస్ మహారాజ్ రవితేజ నటిస్తున్న కొత్త చిత్రంలో మలయాళీ నటుడు ఉన్ని ముకుందన్ ఎంపికయ్యారు. ఈయన్ను ఆహ్వానిస్తూ 'ఖిలాడి' చిత్రబృందం ఓ పోస్టర్‌ని విడుదల చేసింది. 'వీర' తర్వాత రవితేజ-రమేష్‌ వర్మ కలయికలో తెరకెక్కుతున్న చిత్రమిది. కోనేరు సత్యనారాయణ నిర్మిస్తున్నారు. డింపుల్ హయాతీ, మీనాక్షి చౌదరి నాయికలు.
'ఖిలాడి' చిత్రంలో మలయాళీ నటుడు
రవితేజ, డింపుల్ హయాతీ, మీనాక్షి చౌదరి ప్రధానపాత్రల్లో తెరకెక్కుతోన్న చిత్రం 'ఖిలాడి'. ఈ సినిమాలో మలయాళ నటుడు ఉన్ని ముకుందన్ కీలకపాత్రకు ఎంపికయ్యారు. ఈ విషయాన్ని వెల్లడించింది చిత్రబృందం.
'ఖిలాడి' చిత్రంలో మలయాళీ నటుడు
ఇప్పటికే ఈ చిత్రంలో ప్రముఖ నటుడు అర్జున్‌ ప్రతినాయకుడిగా ఎంపికయ్యారు. ఇటీవలే ఆయన చిత్రీకరణలో పాల్గొన్నారు. తాజాగా ముకుందన్‌ని ఈ ప్రాజెక్టులోకి స్వాగతించారు దర్శకనిర్మాతలు. ఎన్టీఆర్‌ కథానాయకుడుగా కొరటాల శివ దర్శకత్వంలో వచ్చిన 'జనతా గ్యారేజ్‌'తో తెలుగు తెరకు పరిచయమయ్యారు ముకుందన్. దేవీ శ్రీ ప్రసాద్‌ సంగీతం అందిస్తున్న ఈ మూవీ.. మే 28న ప్రేక్షకుల ముందుకు రాబోతుంది.
Last Updated : Feb 2, 2021, 9:05 AM IST