'పీఎం నరేంద్ర మోదీ' పోస్టర్​ విడుదల

ప్రధానమంత్రి నరేంద్ర మోదీ జీవితం ఆధారంగా తెరకెక్కిన చిత్రం పీఎం నరేంద్ర మోదీ. ఈ సినిమా పోస్టర్​ను ముంబయిలో ఈ రోజు విడుదల చేశారు కేంద్ర మంత్రి నితిన్​ గడ్కరీ.

ప్రధాని మోదీ జీవితం ఆధారంగా తెరకెక్కుతున్న చిత్రం 'పీఎం నరేంద్ర మోదీ'. వివేక్​ ఒబెరాయ్​ ప్రధాన​ పాత్ర పోషించిన ఈ చిత్రం పోస్టర్​ విడుదలైంది. కేంద్ర మంత్రి నితిన్​ గడ్కరీ, చిత్ర బృందం సమక్షంలో ముంబయిలో విడుదల కార్యక్రమం జరిగింది. మే 24న సినిమా ప్రేక్షకుల ముందుకు రానుంది.

ఒమంగ్​ కుమార్​ ఈ సినిమాకు దర్శకుడు. సురేశ్ ఒబెరాయ్​, ఆనంద్​ పండిట్ సహ నిర్మాతలు. బొమన్ ఇరానీ, మనోజ్​ జోషి ఇతర ముఖ్య పాత్రలు పోషించారు.

ఏప్రిల్​ 11నే తొలుత ఈ చిత్రాన్ని ప్రేక్షకుల ముందుకు తీసుకురావాలనుకున్నారు. కానీ.. సినిమా ఎన్నికలను ప్రభావితం చేయగలదన్న కారణంతో ఒక్కరోజు ముందు ఎన్నికల సంఘం నిషేధం విధించింది. ఫలితంగా.. విడుదల తేదీని ఎన్నికల ఫలితాల మరుసటి రోజుకే మారుస్తూ నిర్ణయం తీసుకుంది సినిమా యాజమాన్యం.

ఈ చిత్రం విడుదలపై గతంలో విచారించిన సుప్రీంకోర్టు.. అభ్యంతరాలను పరిశీలించి నిర్ణయం తీసుకోవాలని ఎన్నికల సంఘానికి సూచించింది.

నిర్మాతలు విడుదల తేదీని మే 24కు మార్చినందున తాజాగా పోస్టర్ విడుదల చేశారు.

ఇదీ చూడండి:

మోదీ ముందు ఈసీ లొంగిపోయింది : రాహుల్​