హిందీలో అగ్రతారగా కొనసాగుతూ హాలీవుడ్కు వెళ్లి అక్కడా సత్తా చాటుతున్న భామ ప్రియాంక చోప్రా. ఆమె తన జీవిత జ్ఞాపకాలతో 'అన్ ఫినిష్డ్' పేరుతో ఓ పుస్తకాన్ని తీసుకొస్తుంది. ఇప్పుడు ఆ బుక్ రాయడం పూర్తయినట్లు వెల్లడించింది.
ప్రియాంక చోప్రా 'అన్ఫినిష్డ్' పూర్తి - priyanka chopra biography
తన జీవిత విశేషాలతో పుస్తకం రాస్తున్న నటి ప్రియాంక చోప్రా.. అది పూర్తయినట్లు వెల్లడించింది. ప్రస్తుతం ఈమె పలు చిత్రాల్లో నటిస్తూ బిజీగా ఉంది.
నటి ప్రియాంక చోప్రా
"అన్ ఫినిష్డ్' పూర్తయింది. కేవలం తుదిమెరుగులు దిద్దడమే మిగిలుంది. ఈ పుస్తకంలోని ప్రతి పదం నా జీవితాన్ని ప్రతిబింబించేలా ఉంటుంది. దీనిని మీతో పంచుకోవాలని ఎంతో ఆత్రుతగా ఎదురుచూస్తున్నాను" -ప్రియాంక చోప్రా ట్వీట్
ప్రియాంక ఓ టెలివిజన్ సిరీస్ కోసం అమెజాన్ స్టూడియోస్ ఇప్పటికే భారీ ఒప్పందం కుదుర్చుకుంది. నెట్ఫ్లిక్స్ సంస్థతో 'ఉయ్ కెన్ బీ హీరోస్', 'ది వైట్ టైగర్' చిత్రాలు చేస్తుంది. మిండీ కాలింగ్తో ఓ వెడ్డింగ్ కామెడీలో నటిస్తోంది. వీటితో పాటే 'మాట్రిక్స్ 4' సినిమాతోనూ సందడి చేయనుంది.