మెగా కుటుంబం నుంచి వచ్చి.. తనదైన శైలిలో వినూత్న కథలను ఎంచుకుంటూ ప్రేక్షకాభిమానాన్ని సొంతం చేసుకున్న హీరో సాయి తేజ్. ఇటీవలే 'ప్రతిరోజు పండగే' సినిమాతో సూపర్ హిట్ అందుకొని మంచి జోరుమీదున్నాడు. తాజాగా, ఈ మెగా హీరో తదుపరి చిత్రం గురించి ఆసక్తికర విషయం వెలుగులోకి వచ్చింది. ఇద్దరు ప్రముఖ టాలీవుడ్ నిర్మాతలు బీవీఎస్ఎన్ ప్రసాద్, దిల్ రాజు సంయుక్తంగా సాయితో సినిమా తెరకెక్కించనున్నారట. ఇటీవలే ఓ నూతన దర్శకుడు తేజ్కు స్క్రిప్ట్ వినిపించగా.. బాగా నచ్చిందని సమాచారం.
ఇద్దరు ప్రముఖ నిర్మాతలతో మెగాహీరో సినిమా?
మెగా మేనల్లుడు సాయితేజ్ తదుపరి చిత్రాన్ని ఇద్దరు ప్రముఖ టాలీవుడ్ నిర్మాతలు రూపొందించనున్నట్లు సమాచారం. ప్రస్తుతం 'సోలో బతుకే సో బెటరు' సినిమాతో థియేటర్లలో సందడి చేసేందుకు సిద్ధమయ్యాడు తేజ్.
సాయి
అయితే, ప్రస్తుతం పలు సినిమా ఒప్పందాలతో బిజీ అయిపోయిన తేజ్.. 2022లోనే ఈ చిత్రాన్ని సెట్స్పైకి తీసుకెళ్లనున్నట్లు తెలుస్తోంది. విశేషమేంటంటే సాయి తేజ్ నటించిన 'పిల్లా నువ్వులేని జీవితం' తొలి చిత్రానికి దిల్రాజు నిర్మాత కాగా, తేజ్ హీరోగా తెరకెక్కుతున్న 'సోలో బతుకే సో బెటరు' సినిమాకు బీవీఎస్ఎన్ ప్రసాద్ నిర్మాతగా వ్యవహరిస్తున్నారు.