నేచురల్ స్టార్ నాని 'టక్ జగదీష్' సినిమా.. ఎట్టకేలకు విడుదల తేదీ ఖరారు చేసుకుంది. అందరూ అనుకున్నట్లు ఓటీటీలోనే సెప్టెంబరు 10న విడుదల కానుంది. ఈ విషయాన్ని శుక్రవారం అధికారికంగా ప్రకటించారు.
కుటుంబ కథాచిత్రంగా తెరకెక్కిన ఈ సినిమా నాని సరసన రీతూవర్మ హీరోయిన్గా చేసింది. జగపతిబాబు, ఐశ్వర్యరాజేశ్ ప్రధాన పాత్రలు పోషించారు. తమన్ సంగీతమందించగా, శివ నిర్వాణ దర్శకత్వం వహించారు.
ఈ సినిమా విషయమై ఇటీవల తెలుగు నిర్మాతల మండలి, హీరో నాని మధ్య వివాదం జరిగింది. చిత్రాన్ని ఓటీటీలో రిలీజ్ చేస్తే, సదరు కథానాయకుడు తర్వాత చేసే ఏ సినిమాల్ని థియేటర్లలో విడుదల చేయనివ్వమంటూ వ్యాఖ్యనించారు. ఆ తర్వాత ఈ విషయం కాస్త చర్చనీయాంశం కావడం వల్ల నానికి, నిర్మాతల మండలి క్షమాపణలు చెప్పింది.