వెండితెరపై వినోదం పంచనున్న 'టామ్​ అండ్​ జెర్రీ'

టామ్​ అండ్​ జెర్రీ అభిమానులకు గుడ్​న్యూస్​. ఇప్పటివరకు బుల్లితెరపైనే అలరించిన ఈ క్యారెక్టర్లు త్వరలో వెండితెరపై సందడి చేయనున్నాయి. వచ్చే ఏడాది భారత్​లో ఇంగ్లీష్​, హిందీ భాషల్లో ఈ జంతువుల అల్లరి కనువిందు చేయనుంది. తాజాగా ఇందుకు సంబంధించిన ట్రైలర్​ విడుదలైంది.

చిన్న పిల్లల నుంచి పెద్దవాళ్ల వరకు టామ్​, జెర్రీ క్యారెక్టర్లు తెలియని వారు ఉండరు. ప్రపంచవ్యాప్తంగా అంతగా పేరు తెచ్చుకున్నాయి ఈ పిల్లీ ఎలుక జంట. దాదాపు 60 ఏళ్ల పాటు నవ్వించాయి. అయితే ఈ జోడి అల్లరి బుల్లితెరపై కనుమరుగైన సమయంలో ఓ గుడ్​న్యూస్​ బయటకొచ్చింది. త్వరలో వీటి పాత్రలు వెండితైరపై సందడి చేయనున్నాయి. వీటితో పాటు చ్లో గ్రేస్​ మోర్జ్​ కూడా కనువిందు చేయనున్నారు.

ఈ కథను కెవిన్​ కొస్టెల్లో రాశారు. 2021లో భారత్​లో హిందీ, ఇంగ్లీష్​ భాషల్లో విడుదలకానుందీ చిత్రం. తాజాగా ట్రైలర్​ను ప్రేక్షకుల ముందుకు తీసుకొచ్చింది చిత్రబృందం. మరి ఈ జోడీని బిగ్​స్క్రీన్​పై ప్రేక్షకులు ఎలా ఆదరిస్తారో చూడాలి.