అగ్ర కథానాయకుడు పవన్ కల్యాణ్‌ 'వకీల్‌సాబ్‌' కోసం మళ్లీ సెట్లోకి అడుగుపెట్టారు. లాక్‌డౌన్‌ ముగియగానే ఈ చిత్రం కోసం రంగంలోకి దిగిన ఆయన, ఓ కీలక షెడ్యూల్‌ను పూర్తి చేసి కాస్త విరామం తీసుకున్నారు. ఇప్పుడు ఆయన మరో కీలక ఎపిసోడ్‌కు సిద్ధమయ్యారు. ఈ షెడ్యూల్‌ ప్రస్తుతం హైదరాబాద్లో శరవేగంగా చిత్రీకరణ జరుపుకొంటోంది. ఇందులో భాగంగా యాక్షన్‌ సీక్వెన్స్‌, ఫ్లాష్‌బ్యాక్‌ ఎపిసోడ్‌కు సంబంధించిన సన్నివేశాలు చిత్రీకరిస్తున్నట్లు సమాచారం.
'వకీల్ సాబ్' కోసం మళ్లీ రంగంలోకి పవన్..
'వకీల్ సాబ్' సినిమా కోసం మళ్లీ సెట్లోకి అడుగు పెట్టారు పవర్ స్టార్ పవన్ కళ్యాణ్. ఈ సినిమాలోని ఓ కీలక ఎపిసోడ్లో ఆయన భాగం కానున్నట్లు తెలుస్తోంది. ప్రస్తుతం ఈ సినిమా షూటింగ్.. హైదరాబాద్లో శరవేగంగా జరుగుతోంది.
'వకీల్ సాబ్' కోసం మళ్లీ రంగంలోకి దిగిన పవన్
పవన్‌తో పాటు శ్రుతిహాసన్‌ కూడా షూటింగ్లో పాల్గొంటున్నట్లు తెలిసింది. ఇప్పటికే తుది దశ చిత్రీకరణకు చేరుకున్న ఈ సినిమా.. ఈ తాజా షెడ్యూల్‌తో పూర్తి కానుందని సమాచారం. హిందీ హిట్‌ చిత్రం 'పింక్‌'కు రీమేక్‌గా రూపొందుతోన్న చిత్రమిది. వేణు శ్రీరామ్‌ దర్శకుడు. దిల్‌రాజు, శిరీష్‌ సంయుక్తంగా నిర్మిస్తున్నారు. నివేదా థామస్‌, అంజలి కథానాయికలు. తమన్‌ స్వరాలందిస్తున్నారు.
ఇదీ చూడండి:'వకీల్ సాబ్'.. వచ్చేది అప్పుడేనా?