స్టార్ హీరోల పేర్లకు ముందు టైటిల్స్ ఉండటం సాధారణమే. వారి ఇమేజ్ ఆధారంగా అవి వారికి లభిస్తుంటాయి. అభిమానులు కూడా వారిని అవే పేర్లతో ప్రేమగా పిలుస్తుంటారు. అయితే కొంతమంది నటులకు కెరీర్ ఆరంభంలో ఉన్న ట్యాగ్లైన్.. స్టార్ ఇమేజ్ పెరిగే కొద్దీ మారిపోతుంటుంది. ఇటీవల 'పుష్ప' సినిమా టీజర్ రిలీజ్కు హీరో అల్లు అర్జున్(Allu Arjun) స్టైలిష్స్టార్ నుంచి ఐకాన్ స్టార్గా మారారు. ఈయనే కాదు ఇప్పటికే కృష్ణ, చిరంజీవి, నాగార్జున, ఎన్టీఆర్ వంటి పలు హీరోలు కూడా తమ బిరుదులను మార్చుకున్నారు. దానికి సంబంధించిన వివరాల సమాహారమే ఈ కథనం..
కృష్ణ(Krishna)
కెరీర్ ప్రారంభంలో 'నటశేఖర' బిరుదును సంపాదించుకున్నారు కృష్ణ. అనంతరం మాస్ ఫాలోయింగ్ పెరిగి 'సూపర్స్టార్'గా టైటిల్ మారిపోయింది. 'సింహాసనం' సినిమా నుంచి ఇదే పేరుతో ఆయన కొనసాగుతున్నారు.
చిరంజీవి(Chiranjeevi)
చిరంజీవి.. తనదైన నటనతో మాస్ హీరోగా ఎంతో మంది అభిమానులను సంపాదించుకున్నారు. కెరీర్ ఆరంభంలో 'డైనమిక్ హీరో', 'సుప్రీమ్ హీరో'గా వెలుగొందిన ఆయన్ను 'మరణ మృదంగం' సినిమా తర్వాత ఫ్యాన్స్ ముద్దుగా 'మెగాస్టార్' అని పిలవడం ప్రారంభించారు. ప్రస్తుతం చిరు.. కొరటాల శివ దర్శకత్వంలో 'ఆచార్య' సినిమా చేస్తున్నారు.
బాలకృష్ణ(Balakrishna)
మొదట 'యువరత్న'గా బిరుదు లభించింది. ఆ తర్వాత 'నట సింహం'గా మారిపోయింది. ప్రస్తుతం బాలయ్య.. బోయపాటి శ్రీను దర్శకత్వంలో 'అఖండ' సినిమాలో నటిస్తున్నారు.