మహేశ్ 'పెన్నీ సాంగ్'​లో సితార స్టెప్పులు... ప్రియాంక 'ముద్దుల హోలీ'

Sarkaru Vaari Paata Second Song: మిల్క్ బాయ్​ మహేశ్​బాబు నటిస్తున్న కొత్త చిత్రం 'సర్కారు వారి పాట'లో రెండో సాంగ్ 'పెన్నీ' ప్రోమో రిలీజ్ చేసింది చిత్ర బృందం. మహేశ్​ బాబు కూతురు సితార ఘట్టమనేని అదిరిపోయే స్టెప్పులతో అలరించింది. ఎన్టీఆర్ బావమరిది మూవీ 'శ్రీ శ్రీ శ్రీ రాజావారు' ఫస్ట్​ లుక్ రిలీజైంది​. మరోవైపు, ప్రియాంక చోప్రా తన భర్తతో హోలీ జరుపుకొంది.

Sarkaru Vaari Paata Second Song: సూపర్​స్టార్ మహేశ్​బాబు నటిస్తున్న కొత్త చిత్రం 'సర్కారు వారి పాట' నుంచి అదిరిపోయే అప్డేట్ వచ్చింది. ఈ సినిమా నుంచి 'పెన్నీ' అనే రెండో పాట ప్రోమో రిలీజ్ చేసింది చిత్ర బృందం. పూర్తి పాటను మార్చి 20న విడుదల చేయనున్నట్లు ప్రకటించింది. దాంతో పాటే సూపర్​ స్టైలిష్​గా ఉన్న మహేశ్​ ఫొటోను షేర్ చేసింది. ఈ పాటలో మహేశ్​బాబు కూతురు సితార ఘట్టమనేని స్టైలిష్ స్టెప్పులతో అలరించింది.

ఈ చిత్రంలో మహేశ్​బాబు.. బ్యాంకు అధికారిగా కనిపించనున్నట్లు తెలుస్తోంది. పరశురామ్ దర్శకత్వంలో తెరకెక్కిన ఈ సినిమాలో కీర్తి సురేశ్ కథానాయిక. ఈ చిత్రం మే 12న ప్రేక్షకుల ముందుకు రానుంది.

శ్రీ శ్రీ శ్రీ రాజావారు

హోలీ వేడుకల్లో ప్రియాంక..

గ్లోబల్ స్టార్ ప్రియాంక చోప్రా.. తన భర్త నిక్​ జోనస్​తో కలిసి లాస్​ ఏంజిల్స్​ స్వగృహంలో హోలీ వేడుకలు జరుపుకుంది. రంగులు చల్లుకుంటున్న ఫోటోలు, భర్తపై ముద్దులు కురిపిస్తున్న వీడియోలను సామాజిక మాధ్యమాల్లో షేర్ చేసింది. ఈ వీడియోలు నెట్టింట తెగ వైరల్ అవుతున్నాయి.

ఎన్టీఆర్ బావమరిది మూవీ ఫస్ట్​లుక్​..

యంగ్ టైగర్ ఎన్టీఆర్​ బావమరిది, నార్నే శ్రీనివాసరావు కుమారుడు నార్నె నితిన్​ చంద్ర హీరోగా నటిస్తున్న సినిమా ఫస్ట్​లుక్ రిలీజ్ చేసింది చిత్ర బృందం. వేగేశ్న సతీష్ దర్శకత్వంలో తెరకెక్కుతున్న ఈ చిత్రానికి 'శ్రీ శ్రీ శ్రీ రాజావారు' అనే టైటిల్​ను ఖరారు చేశారు.

శ్రీ శ్రీ శ్రీ రాజావారు

ఈ సందర్భంగా మాట్లాడుతూ 'ఫ్యామిలీ ఎంటర్​టైనర్​గా రూపొందుతున్న సినిమా ఇది. పోస్ట్ ప్రొడక్షన్ పనులు వేగంగా జరుగుతున్నాయి.' అని చిత్ర బృందం తెలిపింది.

ఇదీ చదవండి:ఈ భామలు పొట్టి డ్రెసుల్లో పిచ్చెక్కిస్తున్నారుగా..!