విజయ్ ఛాలెంజ్... 30 రోజుల్లో బరువు తగ్గడం ఎలా?

కరోనా వ్యాప్తి దృష్ట్యా ఆరోగ్యాన్ని పరిరక్షించుకోవాలంటే శారీరక వ్యాయామం తప్పనిసరి అంటున్నారు రౌడీ హీరో విజయ్ దేవరకొండ. హైదరాబాద్ జూబ్లీహిల్స్​లో 30 రోజుల్లో బరువు తగ్గే ఛాలెంజ్​ను ప్రారంభించారు.

హైదరాబాద్​ జూబ్లీహిల్స్​లో రౌడీ హీరో విజయ్​ దేవరకొండ సందడి చేశారు. కులదీప్​ సేతి, సునీతారెడ్డిల ఆధ్వర్యంలో నిర్వహిస్తున్న 360 డిగ్రీ ఫిట్​నెస్ కేంద్రంలో 30 రోజుల్లో బరువు తగ్గే ఛాలెంజ్​ను విజయ్ ప్రారంభించారు. దీనికి సంబంధించిన వెబ్​సైట్​ను ఆవిష్కరించారు.

లాక్​డౌన్ సమయంలో 360 డిగ్రీ జిమ్​కు వచ్చి వ్యాయామం చేయడం వల్ల చక్కటి శరీరాకృతి పొందడమే గాక ఆరోగ్యంగా ఉన్నానని విజయ్ పేర్కొన్నారు. కరోనా దృష్ట్యా ప్రతి ఒక్కరు ఆరోగ్యంపై దృష్టి సారించాలని సూచించారు. శరీరం దృఢంగా ఉండాలన్నా.. వ్యాధినిరోధక శక్తి పెరగాలన్నా వ్యాయామం తప్పనిసరి అని చెప్పారు.

• ఇదీ చూడండి :బాలీవుడ్​ భామల ఫిట్​నెస్​ చిట్కాలు ఇవే!