'పౌరులంతా ఐక్యపోరాటంలో భాగం కావాలి'

కరోనా వైరస్​పై ఐక్య పోరాటానికి గుర్తుగా ఏప్రిల్ 5న రాత్రి తొమ్మిది గంటలకు దేశవ్యాప్తంగా లైట్లను ఆర్పివేయాలని పిలుపునిచ్చారు ప్రధానమంత్రి నరేంద్ర మోదీ. టాలీవుడ్​ ప్రముఖులు దీనికి మద్దతుగా నిలిచారు. ఇందులో ప్రతి పౌరుడు భాగం కావాలని వారు కోరారు.

కరోనాపై భారతీయులంతా చేస్తున్న ఐక్యపోరాటానికి గుర్తుగా ఆదివారం రాత్రి దీపాలు వెలిగించాలన్న ప్రధానమంత్రి నరేంద్ర మోదీ పిలుపునకు తెలుగు చలన చిత్ర పరిశ్రమ మద్దతుగా నిలిచింది. ఈ కార్యక్రమంలో ప్రతి పౌరుడు భాగమై.. కొవ్వొత్తులు, సెల్ ఫోన్ ప్లాష్ లైట్లు వెలిగించి సంఘీభావం తెలియజేయాలని మెగాస్టార్​ చిరంజీవి, నాగార్జున, రామ్​చరణ్​ పిలుపునిచ్చారు. దీన్ని విజయవంతం చేసి భారతీయులంతా ఒక్కటనే విషయాన్ని ప్రపంచానికి చాటిచెప్పాలని విజ్ఞప్తి చేశారు.

సినీకార్మికుల సంక్షేమం కోసం చిరంజీవి ఆధ్వర్యంలో ఇటీవలే కరోనా క్రైసిస్​ ఛారిటీ(సీసీసీ)ని ఏర్పాటు చేశారు. 24 విభాగాల్లోని నిరుపేద కార్మికులను ఆదుకోవడమే ప్రధానలక్ష్యంగా విరాళాలు సేకరిస్తున్నారు. ఎంపిక చేసిన పేద కుటుంబాలకు ఆదివారం నిత్యవసర వస్తువులతో పాటు మందులను పంపిణీ చేయనున్నారు.

ఇదీ చూడండి.. సీసీసీ ఆధ్వర్యంలో నిత్యావసర వస్తువుల పంపిణీకి సిద్ధం!