రివ్యూ 2019: హాట్​ సీన్లు, ఘాటు ముద్దులకు ప్రేక్షకులు నో!

టాలీవుడ్​ సినీ ప్రేక్షకులు.. 2019లో వచ్చిన దాదాపు అన్ని అడల్ట్​ కంటెంట్​ సినిమాలను తిప్పికొట్టారు. ఇలాంటివి మాకొద్దు అనే పరోక్షంగా చెప్పారు. ఆ చిత్రాలన్నీ బాక్సాఫీస్​ వద్ద బోల్తా కొట్టాయి.

ప్రేక్షకుడిని థియేటర్​కు రప్పించాలంటే కథలో కొత్తదనమైనా ఉండాలి. కాస్త మసాలా అయినా జోడించాలి. మొదట విభాగంలో వచ్చిన కథలు కొన్ని.. ఈ ఏడాది సూపర్​హిట్స్​గా నిలిచాయి. రెండు టైపులో వచ్చినవి మాత్రం ఎక్కువగా తిరస్కరణకు గురయ్యాయి. కనీసం ఎప్పుడొచ్చాయో, ఎప్పుడు వెళ్లాయో తెలియనంతగా మాయమయ్యాయి. అడల్ట్​ కామెడీ ఉన్నంత మాత్రాన.. హిట్​ దక్కదని మరోసారి రుజువైంది. ఇంతకీ ఆ సినిమాలేంటి? వాటి కథేంటి? తెలియాలాంటే ఈ కథనం చదవాల్సిందే.

'ఆర్.ఎక్స్ 100' పేరును పోలినట్లే ఉన్న సినిమా 'ఆర్డీఎక్స్ లవ్'. రెండింటిలోనూ పాయల్ రాజ్​పుత్ హీరోయిన్​ కావడం వల్ల ఈ చిత్రంపై అంచనాలు ఏర్పడ్డాయి. అయితే కథలో బలం లేకపోవడం వల్ల.. పాయల్ అందాలు ఆరబోసినా, ముద్దుసీన్లు కాస్త గట్టిగానే దట్టించినా, కామసూత్ర ఎపిసోడ్స్ పెట్టినా... ఫ్లాఫ్​ టాక్ నుంచి తప్పించుకోలేకపోయింది.

ఆర్డీఎక్స్ లవ్ సినిమా పోస్టర్

ఇవే కాకుండా జనవరి, ఫిబ్రవరిలో వచ్చిన 'కొత్తగా మా ప్రయాణం', '4 లెటర్స్' సినిమాలు ఇలా వచ్చి అలా వెళ్లాయి. మార్చిలో వచ్చిన 'చీకటి గదిలో చితక్కొట్టుడు'లో హారర్ కథ​తో భయపెట్టాలనుకున్నారు. హాట్ హాట్ సీన్స్, ద్వంద్వార్థాలు జోడించారు. కానీ ప్రేక్షకుల మాత్రం.. ఇలాంటివి మాకొద్దు బాబోయ్ అనేశారు.

ఏప్రిల్​లో వచ్చిన 'వేర్ ఈజ్ వెంకటలక్ష్మి'లో ప్రముఖ హీరోయన్ రాయ్​ లక్ష్మి నటించడం వల్ల క్రేజ్ ఏర్పడింది. అయితే ద్వందార్థ సంభాషణలు, శ్రుతి మించిన అడల్ట్​ కంటెంట్​ కారణంగా ఈ చిత్రాన్నీ ప్రేక్షకులు తిరస్కరించారు.

వేర్ ఈజ్ వెంకటలక్ష్మి సినిమా పోస్టర్

తర్వాత నెలలో వచ్చిన 'రొమాంటిక్ క్రిమినల్స్'లో కథ బాగున్నా.. ద్వందార్థాలు ఎక్కువ కావడం సినిమాను దెబ్బకొట్టింది. జులైలో విడుదలైన 'నేను లేను'ను సైకలాజికల్ థ్రిల్లర్​గానే రూపొందించారు. యువతను థియేటర్​కు రప్పించాలనే ఆలోచనలో అనవసర అడల్ట్ కంటెంట్​ను చొప్పించి, అసలు కథను గాలికొదిలేశారు. దీంతో బాక్సాఫీస్​ ముందు చతికిల పడిందీ సినిమా.

ఆ తర్వాత వచ్చిన వాటిలో 'రాయలసీమ లవ్​స్టోరీ'(సెప్టెంబరు), 'ఏడు చేపల కథ'(నవంబరు) సినిమాలకు ఇలాంటి ఫలితమే ఎదురైంది. కేవలం అడల్ట్ కంటెంట్​ ఉంటే సరిపోదని ప్రేక్షకులు తేల్చేశారు. కథతో పాటు అలాంటి సన్నివేశాలు ఉంటే సరేగాని.. మొత్తమంతా అలా ఉంటే తమకు నచ్చదని పరోక్షంగా చెప్పారు.

చీకటి గదిలో చితక్కొట్టుడు పోస్టర్

ఇది చదవండి: 2019లో మెరిపించి మురిపించిన కొత్త భామలు