కరోనా క్రైసిస్ ఛారిటీకి టాలీవుడ్ ప్రముఖుల విరాళాలు

18:45 March 29

రూ.2 లక్షలు ఇచ్చిన హాస్యనటుడు వెన్నెల కిశోర్

టాలీవుడ్​లోని దినసరి వేతన కార్మికుల కోసం ఏర్పాటు చేసిన కరోనా క్రైసిస్ ఛారిటీకి హాస్య నటుడు వెన్నెల కిశోర్.. రూ.2 లక్షలు ఇచ్చాడు. 

15:37 March 29

రూ.లక్ష ఇచ్చిన బర్నింగ్ స్టార్ సంపూర్ణేష్

కరోనా మహమ్మారి వల్ల ఆర్థికంగా ఇబ్బందులు పడుతున్న తెలుగు సినీ పరిశ్రమ కార్మికుల కోసం రూ.లక్ష రూపాయల అందజేయనున్నాడు టాలీవుడ్​ నటుడు సంపూర్ణేష్ బాబు. త్వరలో దీని నుంచి బయటపడాలని కోరుకుంటున్నట్లు రాసుకొచ్చాడు.

15:36 March 29

రూ.20 లక్షలు ఇచ్చిన రవితేజ

కరోనా క్రైసిస్ ఛారిటీ కోసం మాస్​మాహారాజా రవితేజ.. రూ.20 లక్షలు ఇచ్చాడు. ఆ విషయాన్ని ట్విట్టర్​ వేదికగా పంచుకున్నాడు.

15:33 March 29

మెగాహీరో సాయిధరమ్ తేజ్ విరాళం రూ.10 లక్షలు

కరోనా క్రైసిస్ ఛారిటీ అద్భుతమైన ఆలోచన అని అన్నాడు హీరో సాయిధరమ్ తేజ్. దినసరి వేతన కార్మికుల కోసం తన వంతు సాయంగా రూ.10 లక్షలు ఇస్తున్నట్లు ట్వీట్ చేశాడు. ఈ ఆలోచనకు నాంది పలికిన మెగాస్టార్ చిరంజీవి ధన్యవాదాలు చెప్పాడు.

13:00 March 29

రూ.15 లక్షలు ఇచ్చిన హీరో శర్వానంద్

సినిమాల మేకింగ్ విషయంలో ఎంతో కష్టపడే దినసరి వేతన కార్మికుల కోసం ఏర్పాటు చేసిన కరోనా క్రైసిస్​ ఛారిటికీ రూ.15 లక్షలు ఇస్తున్నట్లు ట్వీట్ చేశాడు హీరో శర్వానంద్. ఈ రోజే ట్విట్టర్​లో ఖాతా ప్రారంభించాడీ కథానాయకుడు.

11:15 March 29

హీరో విశ్వక్​షేన్ విరాళం రూ.5 లక్షలు

తన పుట్టినరోజు సందర్భంగా ట్విట్టర్​ ఖాతా తెరిచిన హీరో విశ్వక్​సేన్.. కరోనా క్రైసిస్​ ఛారిటీకి రూ.5 లక్షలు ఇస్తున్నట్లు చెప్పాడు. ఆ విషయాన్ని ట్వీట్ చేశాడు. ఇటీవలే 'హిట్'తో ప్రేక్షకులను అలరించిన ఇతడు.. ప్రస్తుతం 'పాగల్' అనే సినిమా చేస్తున్నాడు.

11:12 March 29

దిల్​రాజు-శిరీష్ రూ.10 లక్షల విరాళం

టాలీవుడ్​లోని వేతన కార్మికుల కోసం ఏర్పాటు చేసిన కరోనా క్రైసిస్ ఛారిటీకి విరాళంగా రూ.10 లక్షలు ఇచ్చారు నిర్మాతలు దిల్​రాజు-శిరీష్. ఈ విషయాన్ని ట్విట్టర్​ వేదికగా పంచుకున్నారు.

10:59 March 29

రూ.20 లక్షలు ఇచ్చిన వరుణ్​తేజ్

కరోనా వల్ల ఇబ్బందులు పడుతున్న టాలీవుడ్​ వేతన కార్మికుల కోసం హీరో వరుణ్​తేజ్ రూ.20 లక్షల ఆర్థిక సాయం ప్రకటించాడు. ఆ మొత్తాన్ని కరోనా క్రైసిస్ ఛారిటీకి ఇవ్వనున్నట్లు చెప్పాడు.