'బ్రహ్మాస్త్ర' కోసం ముంబయి వెళ్లిన నాగ్​

వరుస సినిమా చిత్రీకరణలతో స్పీడ్​ పెంచారు కింగ్​ నాగార్జున. తాజాగా 'బ్రహ్మాస్త్ర' షూటింగ్​లోనూ ఆయన పాల్గొన్నారు. ముంబయిలో ఈ సినిమా సన్నివేశాలు తెరకెక్కుతున్నాయి.

కరోనా లాక్‌డౌన్‌ పరిస్థితుల తర్వాత తెలుగు నటుల్లో జోరుగా ముందుకు సాగుతున్నారు కింగ్‌ నాగార్జున. అగ్రనటుల్లో అందరికంటే ముందు కెమెరా ముందుకొచ్చిందీ ఆయనే. ఇటీవలే హిమాలయాల్లో 'వైల్డ్‌డాగ్‌' షూటింగ్‌ షెడ్యూల్‌లో పాల్గొన్నారు. ప్రస్తుతం ఆయన ముంబయిలో జరుగుతున్న 'బ్రహ్మాస్త్ర' చిత్రీకరణలో భాగస్వాములయ్యారు.

ఈ షెడ్యూల్‌లో రణ్‌బీర్‌ కపూర్‌, ఆలియా భట్‌, మౌనీరాయ్‌తో కలిసి ఆయన షూటింగ్‌లో పాల్గొంటున్నారు. కీలక సన్నివేశాలను వీరి మీద చిత్రీకరిస్తున్నారు. నాగార్జున ఈ చిత్రంలో ఆర్కియాలజిస్ట్‌గా నటిస్తున్నారు. అయాన్‌ ముఖర్జీ తెరకెక్కిస్తున్న ఈ చిత్రంలో అమితాబ్‌ కీలక పాత్ర పోషిస్తున్నారు. వచ్చే ఏడాది ఈ చిత్రాన్ని ప్రేక్షకుల ముందుకు తేనున్నారు.

ఇదీ చూడండి:'ఉప్పెన' సర్​ప్రైజ్​ ఇవ్వనున్న మహేశ్​