సుశాంత్ సింగ్పై తన మనసులో అనంతమైన ప్రేమ ఉందని చెప్పింది నటి రియా చక్రవర్తి. అయితే ఆత్మహత్య చేసుకుని తనకు చెప్పలేనంత వేదన మిగిల్చాడని తెలిపింది. కానీ ఎప్పటికీ అతడితో కలిసి ఉన్నట్లు భావిస్తానంది. సుశాంత్ లేడని తెలిసినప్పటినుంచి తీవ్ర మానసిక సంఘర్షణ ఎదుర్కొంటున్నానని బాధను వ్యక్తం చేసింది.
" నా మనసులోని ఈ బాధను ఎవరు చెరిపేయలేరు. సుశాంత్, నువ్వు నాకు ప్రేమ విలువ తెలిసేలా చేశావు. జీవిత పరమార్థం అర్ధమయ్యేలా చేశావు. నీ దగ్గర నేర్చుకున్న, తెలుసుకున్న ప్రతి విషయం నా జీవితాంతం అమలు చేస్తాను"
-రియా చక్రవర్తి, నటి
సుశాంత్కు ఖగోళశాస్త్రం పట్ల ఉన్న అభిరుచిని తెలిపింది రియా. షూటింగ్ స్టార్గా అతడిని అభివర్ణించింది.
"ఇప్పుడు నువ్వు మరింత ప్రశాంతంగా ఉన్నావని తెలుసు. చంద్రుడు, నక్షత్ర మండలాలు అతడిని 'గొప్ప శాస్త్రవేత్తగా' ఆహ్వానించాయి. వాటి మధ్య ఓ షూటింగ్ స్టార్లా ఆనందాన్ని ఆస్వాదిస్తూ వెలుగుతూ ఉండు. ఎప్పటికైనా తిరిగి నా దగ్గరికి వస్తావని, నీ కోసం ఎదురుచూస్తుంటాను"