'హీరోపంతి' చిత్రంతో బాలీవుడ్లోకి అడుగుపెట్టి.. తనకంటూ ప్రత్యేక గుర్తింపు తెచ్చుకున్న హీరో టైగర్ ష్రాఫ్. నటనతో పాటు, డ్యాన్స్, ఫైట్స్తో అభిమానులను ఫిదా చేశాడు. అయితే, ప్రస్తుతం తాను ఓ సాంగ్తో తొలిసారి గాయకుడిగా మారనున్నట్లు ష్రాఫ్ తెలిపాడు. 'అన్బిలీవబుల్' అనే పాటకు సంబంధించిన మోషన్ పోస్టర్ను ఇన్స్టాగ్రామ్ వేదికగా అభిమానులతో పంచుకున్నాడు.
"ఎప్పుడూ నేను పాడిన పాటకు డ్యాన్స్ చేయాలని అనుకుంటుంటా. కానీ, దానిని ముందుకు తీసుకెళ్లే ధైర్యం ఇంతవరకు రాలేదు. లాక్డౌన్ సమయంలో ఈ విషయంపై చాలా సమయం వెచ్చించి మరీ ఇప్పుడు మీ ముందుకొస్తున్నా. ఇది నిజంగా నమ్మశక్యం కాని అనుభవం. త్వరలోనే నా ఈ సరికొత్త ప్రయత్నాన్ని మీతో పంచుకుంటా."