2012లో వచ్చిన 'ఏక్ థా టైగర్'కు కొనసాగింపుగా వస్తున్న 'టైగర్ 3' షూటింగ్ విదేశాల్లో జరగనుంది. ఇందుకోసం సల్మాన్ ఖాన్ - కత్రినా కైఫ్లతో పాటు సినిమా బృందం రష్యాకు తరలివెళ్లనుంది. గతంలో కరోనా విజృంభణ కారణంగా ఈ సినిమా షూటింగ్ ఆగిపోయింది.
ఆగస్టు 18న రష్యా వెళ్లనున్న ఈ యూనిట్.. 45 రోజుల పాటు విదేశాల్లో షూటింగ్ జరుపుకోనుంది. సల్మాన్, కత్రినాలపై భారీ యాక్షన్ సన్నివేశాలు చిత్రీకరించనున్నట్లు సమాచారం. రష్యాతో పాటు ఆస్ట్రియా, టర్కీ సహా మరో 5 అంతర్జాతీయ లొకేషన్లలో చిత్రీకరణను జరపనున్నారు. ఇదివరకెన్నడూ చూడని భారీ యాక్షన్ సీక్వెన్స్‌లు ఉంటాయని చిత్రబృందం పేర్కొంది.