రాబోయే తన జన్మదిన వేడుకలు జరపొద్దని అభిమానుల్ని కోరారు యువ కథానాయకుడు రామ్ పోతినేని. మే 15న ఆయన జన్మదినం. కానీ, ఈసారి కరోనా పరిస్థితుల నేపథ్యంలో తన జన్మదిన వేడుకలకు దూరంగా ఉండాలంటూ ట్విట్టర్ వేదికగా ఓ ప్రకటన విడుదల చేశారు రామ్.
"మీరు నాపై చూపించే ప్రేమాభిమానాలకు నా మనసులో ఎప్పటికీ ప్రత్యేక స్థానం ఉంటుంది. ప్రతి ఏటా నా పుట్టినరోజును మీరు జరిపే తీరు నాకు చాలా ఆనందాన్ని కలిగిస్తుంటుంది. నాపై మీరెంత ప్రేమ చూపిస్తుంటారో.. అంతకంటే ఎక్కువగా నేను మిమ్మల్ని ప్రేమిస్తుంటా. మీ ఆరోగ్యం, మీ సంతోషం నాకు ముఖ్యం. అందుకే ఈ విపత్కర పరిస్థితుల రిత్యా ఈసారి నా పుట్టినరోజు వేడుకలకు మీరంతా దూరంగా ఉండాలని మనస్ఫూర్తిగా కోరుకుంటున్నా. ఇప్పుడు సామాజిక దూరం అందరికీ శ్రేయస్కరం. ఈ ఒక్కసారి మీరు పాటించే ఈ దూరమే.. నాకు ఇచ్చే అసలైన జన్మదిన కానుకగా భావిస్తా."