కోల్కతా నైట్రైడర్స్ యువ స్పిన్నర్‌ వరుణ్ చక్రవర్తి తన చిరకాల కలను సాకారం చేసుకున్నాడు. తన అభిమాన తమిళ నటుడు విజయ్ను.. ఆయన కార్యాలయంలో మంగళవారం కలిశాడు. ఇళయదళపతిని కలుసుకోవడంపై హర్షం వ్యక్తం చేస్తూ.. తనతో కలిసి దిగిన ఫొటోను ట్విట్టర్లో పోస్ట్ చేశాడు. ప్రస్తుతం ఈ ఫొటో నెట్టింట్లో వైరల్ అయింది. తాను స్టార్ హీరో విజయ్కు వీరాభిమానినని పలు సార్లు ఇంటర్వ్యూల్లో తెలిపాడు వరుణ్. ఆయనను కలవడం తన చిరకాల స్వప్నం అని చెప్పేవాడు.
ఈ ఐపీఎల్లో వరుణ్.. హ్యాట్రిక్ తీసి అందరి దృష్టినీ ఆకర్షించాడు. తన ప్రదర్శనకు ఆస్ట్రేలియాతో జరగబోయే సిరీస్ కోసం టీమ్ఇండియాలో చోటు కూడా దక్కింది. కానీ తనకు లీగ్లో ఆడేటప్పుడు గాయం అవ్వడం వల్ల ఈ సిరీస్కు దూరమయ్యాడు. మరోవైపు విజయ్.. 'మాస్టర్' సినిమాతో త్వరలో ప్రేక్షకుల ముందుకు రానున్నాడు. దీపావళి కానుకగా విడుదలైన చిత్రానికి సంబంధించిన ట్రైలర్ సినీ ప్రేక్షకులను విపరీతంగా ఆకట్టుకుంది. 24 గంటలు పూర్తి కాకముందే 15 మిలియన్ వ్యూస్ను కొల్లగొట్టింది. 1.7 మిలియన్ లైక్స్ను ఖాతాలో వేసుకుంది. దక్షిణాదిలో తక్కువ వ్యవధిలోనే అత్యధిక వీక్షణలు సంపాదించిన టీజర్గా సరికొత్త రికార్డు నెలకొల్పింది.