పవన్​ ఫ్యాన్స్​కు నిరాశ.. రెండో సాంగ్​ లేదట!

ప్రేమికుల దినోత్సవం సందర్భంగా 'వకీల్​సాబ్​' చిత్రంలోని రెండో పాటను విడుదల చేయనున్నారని ఇటీవలే ఊహాగానాలు వినిపించాయి. దీనిపై ఈ చిత్ర సంగీత దర్శకుడు స్పందించారు. రెండో పాటను ఇప్పుడే విడుదల చేయడం లేదని స్పష్టం చేశారు. దీంతో పవన్​ అభిమానులు తీవ్ర నిరాశకు గురయ్యారు.

పవర్​స్టార్ పవన్​ కల్యాణ్​ 'వకీల్​సాబ్'​ చిత్రంతో రీఎంట్రీ ఇస్తున్నారు. ఈ సినిమాపై అభిమానుల్లో భారీ అంచనాలే ఉన్నాయి. ఇందులోని తొలి లిరికల్​ వీడియో విడుదలై దాదాపుగా ఏడాది కావస్తోంది. ఈ నేపథ్యంలో సినిమాలోని రెండో పాటను ఫిబ్రవరి 14న విడుదల చేయనున్నట్లు ఇటీవల కొన్ని ఊహాగానాలు వచ్చాయి. దీనిపై సంగీత దర్శకుడు తమన్​ క్లారిటీ ఇచ్చారు.

"ఫిబ్రవరి 14న వకీల్​సాబ్​ నుంచి ఎలాంటి పాటను విడుదల చేయడం లేదు. ఈ సినిమా పాటల ఆల్బమ్​ను పూర్తి చేస్తున్నాం. దీనిపై అతి త్వరలోనే అప్​డేట్స్​ ఇస్తాం. నిర్మాణ సంస్థతో కలిసి ఉత్తమంగా ఔట్​పుట్​ ఇవ్వడానికి కష్టపడుతున్నాం".

- ఎస్​ఎస్​ తమన్​, సంగీత దర్శకుడు

'వకీల్​సాబ్​' చిత్రాన్ని వేణు శ్రీరామ్​ దర్శకత్వం వహించగా.. దిల్​రాజు నిర్మాతగా వ్యవహరిస్తున్నారు. ఇందులో శ్రుతిహాసన్​ కథానాయిక. అంజలి, నివేదా థామస్​ కీలకపాత్రల్లో నటిస్తున్నారు. ఏప్రిల్​ 9న చిత్రాన్ని విడుదల చేయనున్నట్లు చిత్రబృందం ఇటీవలే ప్రకటించింది.

ఇదీ చూడండి:'అర్జున్ రెడ్డి' కాంబో మరోసారి.. నెట్టింట జోరుగా చర్చ!