లాక్డౌన్ కారణంగా దేశవ్యాప్తంగా సినిమాలకు సంబంధించిన కార్యక్రమాలన్నీ ఆగిపోయాయి. విడుదలకు సిద్ధమైన చిత్రాలన్నీ వెనుకంజ వేశాయి. లాక్డౌన్ ఎప్పడు ముగుస్తుందో తెలియని స్థితిలో నిర్మాతలు ఆన్లైన్ వేదికలను ఆశ్రయిస్తున్నారు. తమ సినిమాలను సరాసరి ఓటీటీల్లో రిలీజ్ చేయడానికి రెడీ అవుతున్నారు.
బాలీవుడ్ దిగ్గజం అమితాబ్ బచ్చన్, ఆయుష్మాన్ ఖురానా నటించిన 'గులాబో సితాబో' అమెజాన్ ప్రైమ్తో ఇప్పటికే ఒప్పందం కుదర్చుకోగా.. నవాజుద్దీన్ సిద్దిఖీ, అనురాగ్ కశ్యప్ నటించిన 'ఘూమ్కేటు' చిత్రాన్ని మే 22న జీ5 యాప్లో విడుదల చేయనున్నట్లు చిత్రబృందం ప్రకటించింది. ఇప్పడదే జాబితాలో మరిన్ని సినిమాలు వచ్చి చేరాయి.
ప్రైమ్ను ఆశ్రయించిన 'శకుంతల..'
గణిత శాస్త్రవేత్త 'శకుంతలా దేవి' బయోపిక్ను త్వరలోనే అమెజాన్ ప్రైమ్లో విడుదల చేయనున్నామని తాజాగా ప్రకటించింది ఆ చిత్రబృందం. బాలీవుడ్ నటి విద్యాబాలన్ టైటిల్ రోల్ పోషించింది.