బ్రిటీష్ టెలివిజన్ షో 'ది నైట్ మేనేజర్' సిరీస్ హిందీ రీమేక్లో హృతిక్ నటించబోతున్నట్లు కొద్ది కాలంగా జోరుగా ప్రచారం సాగుతోంది. అయితే ప్రస్తుతం ఈ సిరీస్ నుంచి అతడు తప్పుకున్నట్లు తెలిపింది ఓ వెబ్లాయిడ్. సుదీర్ఘ షెడ్యూల్, డేట్స్ సర్దుబాటుకాకపోవడం వల్ల హృతిక్ ఈ నిర్ణయం తీసుకున్నట్లు వెల్లడించింది. ఫలితంగా అతడి ఓటీటీ ఎంట్రీకి బ్రేక్ పడినట్లైంది.
సాధారణంగా ఈ ఏడాది ఏప్రిల్లో ఈ సిరీస్ చిత్రీకరణ మొదలుపెట్టాలని భావించారు. కానీ హృతిక్ తీసుకున్న అకస్మాత్తు నిర్ణయం వల్ల ఈ సిరీస్ నిర్మాతలు మరో నటుడి కోసం వెతుకులాటలో పడ్డారు.
స్పై-థ్రిల్లర్ నేపథ్యంలో రూపొందనున్న ఈ సిరీస్లో హృతిక్ టామ్ హిడల్స్టన్ పాత్రలో నటించాల్సి ఉంది. ఇందుకుగానూ అతడికి రూ.75కోట్లు చెల్లించడానికి నిర్మాతలు సిద్ధమయ్యారు. ఒకవేళ ఇందులో నటించి ఉంటే అతడికి ఇదే తొలి వెబ్సరీస్ అయ్యేది.
హృతిక్ రోషన్.. ప్రస్తుతం 'ఫైటర్' చిత్రంతో బిజీగా ఉన్నాడు. యాక్షన్ అడ్వెంచర్గా రూపొందుతోన్న ఈ చిత్రంలో దీపికా పదుకొణె హీరోయిన్గా ఎంపికైంది. సిద్ధార్థ్ ఆనంద్ దర్శకత్వం వహిస్తున్నాడు. మరోవైపు 'విక్రమ్ వేద' హిందీ రీమేక్లోనూ హృతిక్ నటిస్తున్నాడని ఊహాగానాలు వినిపిస్తున్నాయి. కాగా, బాలీవుడ్లో 3డీలో రామాయణం సినిమాను తెరెక్కించనున్నారు. ఈ సినిమాకు నితీష్ తివారీ దర్శకత్వం వహిస్తుండగా.. రావణుడిగా హృతిక్, సీత పాత్రలో దీపికా పదుకొణె నటించనున్నారని సమాచారం. రాముడి పాత్ర కోసం మహేశ్ బాబు పేరు వినిపిస్తోంది.
ఇదీ చూడండి:'3డీ'లో రామాయణం.. రావణుడిగా హృతిక్!
