మలయాళ నటుడు దుల్కర్ సల్మాన్ హీరోగా బాలీవుడ్లో తెరకెక్కుతోన్న చిత్రం 'ది జోయా ఫ్యాక్టర్'. సోనమ్ కపూర్ హీరోయిన్గా నటిస్తోంది. రొమాంటిక్ డ్రామాగా రూపొందుతోన్న ఈ సినిమాకు అభిషేక్ శర్మ దర్శకత్వం వహిస్తున్నాడు. అనుజా చౌహన్ రాసిన 'ది జోయా ఫ్యాక్టర్' నవల ఆధారంగా ఈ చిత్రాన్ని తెరకెక్కిస్తున్నారు. ఆదివారం దుల్కర్ పుట్టినరోజు సందర్భంగా ట్విట్టర్లో సినిమాకు సంబంధించిన ఓ ఫొటోను షేర్ చేసింది హీరోయిన్ సోనమ్. వీరిద్దరూ ఈ పోస్టర్లో చాలా కూల్గా ఉన్నారు.
ఇందులో భారత క్రికెట్ జట్టు కెప్టెన్ పాత్రలో కనిపించనున్నాడు దుల్కర్. యాడ్ ఏజెన్సీ ఎగ్జిక్యూటివ్గా కనిపించనుంది సోనమ్. అమిత్ తివారీ సంగీతాన్ని అందిస్తున్నాడు. పలుమార్లు వాయిదా పడిన ఈ చిత్రం సెప్టెంబరులో ప్రేక్షకుల ముందుకు రానుంది.