'ద ఫ్యామిలీ మ్యాన్ 2' వాయిదా.. దర్శకులు క్లారిటీ

గత కొన్నిరోజుల నుంచి వస్తున్న ఊహాగానాలను నిజం చేస్తూ 'ద ఫ్యామిలీ మ్యాన్ 2' వాయిదా పడింది. రానున్న వేసవిలో ఓటీటీ వేదికగా సందడి చేయనుందని టీమ్ తెలిపింది.

'ద ఫ్యామిలీ మ్యాన్' రెండో సీజన్​ విడుదలపై దర్శక ద్వయం రాజ్-డీకే స్పష్టతనిచ్చారు. ఈ ఏడాది వేసవిలో అభిమానుల ముందుకు వస్తుందని తెలిపారు. సోషల్ మీడియా వేదికగా ఈ విషయాన్ని వెల్లడించారు.

దర్శకులు రాజ్-డీకే ట్వీట్

గత నెల న్యూయర్ సందర్భంగా కొత్త పోస్టర్​ను 'ద ఫ్యామిలీ మ్యాన్' టీమ్ పంచుకుంది. అనంతరం కొన్నిరోజులకు ఓ టీజర్​ విడుదల చేయడం సహా ఫిబ్రవరి 12 నుంచి అమెజాన్ ప్రైమ్​లో కొత్త సీజన్ స్ట్రీమింగ్ కానుందని తెలిపింది.

అయితే రిలీజ్​ డేట్ దగ్గరపడుతున్నప్పటికీ ట్రైలర్​ను విడుదల చేయకపోవడం వల్ల అభిమానులకు పలు అనుమనాలు వచ్చాయి. రెండో సీజన్​ను ఏమైనా వాయిదా వేశారా అంటూ చర్చించుకున్నారు. వాళ్లు అనుకున్నట్లుగానే దర్శకులు ట్వీట్ చేసి క్లారిటీ ఇచ్చారు.

ఇందులో సమంత, మనోజ్ భాజ్​పాయ్, ప్రియమణి తదితరులు కీలక పాత్రలు పోషించారు.

ఇది చదవండి:'ద ఫ్యామిలీ మ్యాన్ 2' టీజర్: సమంత పాత్ర ఏంటి?