రాజీ ఎవరు?.. 'ద ఫ్యామిలీ మ్యాన్ 2'పై సామ్ ట్వీట్

'ద ఫ్యామిలీ మ్యాన్' వెబ్​ సిరీస్ రెండో భాగం గురించి నటి సమంత ట్వీట్ చేసింది. ఇందులో రాజీ ఎవరు? అంటూ అడుగుతూ రిలీజ్​ డేట్​ వెల్లడించి, ఓ వీడియోను పోస్ట్ చేసింది.

ముద్దుగుమ్మ సమంత నటించిన 'ద ఫ్యామిలీ మ్యాన్ 2' విడుదల తేదీపై స్పష్టత వచ్చేసింది. ఫిబ్రవరి 12 నుంచి తెలుగు, తమిళ, హిందీ భాషల్లో ఈ వెబ్​ సిరీస్​ స్ట్రీమింగ్ కానుంది. ఈ విషయాన్ని ఆమెనే ట్విట్టర్​ ద్వారా వెల్లడించింది.

మనోజ్ భాజ్​పాయ్, ప్రియమణి ప్రధాన పాత్రల్లో నటించిన ఈ వెబ్​ సిరీస్​కు రాజ్, డీకే దర్శకత్వం వహించారు. అయితే ఇందులో సమంత ఉగ్రవాదిగా కనిపించనున్నట్లు తెలుస్తోంది. కానీ ఆ విషయమై క్లారిటీ లేకపోవడం వల్ల అభిమానుల్లో ఆసక్తి మొదలైంది.