'ద ఫ్యామిలీ మ్యాన్ 2' వెబ్ సిరీస్తో హీరోయిన్ సమంత.. త్వరలో ప్రేక్షకుల ముందుకు రానుంది. ఇందులో ఉగ్రవాది పాత్రలో కనిపించనున్న ఈ భామ.. వీక్షకులను ఆశ్చర్యపరచనుంది. ఈ క్రమంలో సామ్ హోస్ట్గా ఉన్న 'సామ్ జామ్' టాక్ షోకు వచ్చిన సిరీస్ దర్శకుల్లో ఒకరైన్ రాజ్ నిడుమోరు.. సమంత పాత్ర గురించి వెల్లడించారు.
ఉగ్రవాది పాత్రలో సమంత.. దర్శకుడు ఆసక్తికర వ్యాఖ్యలు - ఆహా! లో సమంత టాక్ షో
'ద ఫ్యామిలీ మ్యాన్' సీక్వెల్లోని సమంత పాత్ర గురించి ఆసక్తికర సంగుతుల్ని చెప్పారు దర్శకుల్లో ఒకరైన రాజ్. ఇందులో ఆమె చాలా యాక్షన్ సీన్స్ చేసిందని, అభిమానుల్ని ఆ పాత్ర కచ్చితంగా ఆకట్టుకుంటుందని అన్నారు.
'నెగటివ్ రోల్లో సమంత అదరగొట్టింది'
'ఫ్యామిలీ మ్యాన్' సీక్వెల్లోని ఉగ్రవాది పాత్ర కోసం సమంతను సంప్రదించినప్పుడు ఆమె చాలా ఉత్సాహం చూపించారని రాజ్ చెప్పారు. ఓ యాక్షన్ సీన్ షూటింగ్ చేస్తున్నప్పుడు ఆమె నిజంగానే నెగటివ్గా మారిందా అనే అనుమానం తనకు వచ్చిందని అన్నారు. గతంలో ఈ విధంగా హీరో నాగార్జున చేసేవారని తెలిపారు.