షారుక్ ఖాన్ కెరీర్‌లో మరపురాని చిత్రం 'దిల్‌వాలే దుల్హానియా లేజాయేంగే'. బాక్సాఫీసు వద్ద ఎన్నో రికార్డులను సృష్టించిన ఆ చిత్రం షారుక్ను తిరుగులేని స్టార్‌ను చేసింది. అల్లరి ప్రేమికుడి పాత్రలో షారుక్ నటన అమ్మాయిల మనసు దోచేసింది. ఆ చిత్రం విడుదలైన ఏడాదే ఆమిర్ ఖాన్ నటించిన 'రంగీలా' కూడా ప్రేక్షకుల ముందుకొచ్చింది. ఆ చిత్రంతో ఆమిర్‌కూ ఘనవిజయం దక్కింది. అందులో ఆమీర్‌ నటనకూ ప్రేక్షకులు ఫిదా అయ్యారు.
షారుక్కు వచ్చిందని ఆమిర్ అలిగాడు!
బాలీవుడ్ స్టార్స్ షారుక్ ఖాన్, ఆమిర్ ఖాన్ మంచి స్నేహితులు. అయితే ఓసారి ఫిలింఫేర్ అవార్డు తనకు కాకుండా షారుక్కు వచ్చిందని ఆమిర్ అలిగాడట.
షారుక్కు వచ్చిందని ఆమిర్ అలిగాడు!
దీంతో ఆ ఏడాది ఫిలింఫేర్ పురస్కారాల విషయంలో ఇద్దరి మధ్య తీవ్ర పోటీ నెలకొంది. ఆ పురస్కారం తనకే దక్కుతుందని ఆమిర్ నమ్మకంగా ఉన్నాడు. అయితే చివరకు ఫిలింఫేర్ షారుక్నే వరించింది. దీంతో ఆమిర్ నిరాశకు గురయ్యాడు. ఇక మీదట ఫిలింఫేర్ పురస్కారాల వేడుకకు హాజరుకాకూడదని నిర్ణయం తీసుకున్నాడు. పురస్కారాల సంగతి అటుంచితే తదనంతర కాలంతో ఇద్దరు ఖాన్‌లు ప్రేక్షకుల మనసులను గెలుచుకుని అగ్రస్థాయికి చేరుకున్నారు.