సెన్సేషనల్‌ మ్యూజిక్‌ డైరెక్టర్‌ తమన్ చేసిన ఒక ట్వీట్ నెటిజన్లను ఆకర్షిస్తోంది. 'మార్చి 8న కలుద్దాం' అంటూ ట్వీట్ చేసిన ఆయన 'లెట్స్‌ మేక్‌ ఇట్ బిగ్‌ ఎగైన్‌' అని రాసున్న ఒక ఫొటోను జత చేశారు. దీనిపై నెటిజన్లు స్పందిస్తూ.. మార్చి 8న మహిళా దినోత్సవం, పవర్‌స్టార్‌ పవన్‌కల్యాణ్‌ నటిస్తున్న 'వకీల్ సాబ్' సినిమా నేపథ్యం కూడా మహిళా ప్రాధాన్యమున్నదే. అందువల్ల ఖచ్చితంగా ఆ రోజున 'వకీల్సాబ్' చిత్రంలోని మరో పాటను ఆ రోజు విడుదల చేస్తారంటూ ట్వీట్లు చేస్తున్నారు. ఈ చిత్రానికి తమన్ స్వరాలు అందిస్తున్నారు.
తమన్ ట్వీట్.. 'వకీల్సాబ్' గురించేనా?
పవన్ కల్యాణ్ హీరోగా వస్తోన్న కొత్త చిత్రం 'వకీల్సాబ్'. ఈ సినిమాకు తమన్ సంగీతం అందించారు. తాజాగా తమన్ ట్విట్టర్లో పెట్టిన పోస్ట్పై నెటిజన్లు భిన్నంగా స్పందిస్తున్నారు. అది 'వకీల్సాబ్'కు సంబంధించిన అప్డేట్ అని అంటూ పోస్టులు పెడుతున్నారు.
తమన్ ట్వీట్.. 'వకీల్సాబ్' గురించేనా?
ఇప్పటికే విడుదలైన ఈ చిత్రంలోని 'మగువా..మగువా' ఎంతగానో అలరించింది. దీంతో త్వరలో వచ్చే మరో పాట కూడా అదే రేంజ్‌లో ఉంటుందని అభిమానులు భావిస్తున్నారు. అలాగే ఈ చిత్రంలో హీరోయిన్‌గా నటిస్తున్న శృతి హాసన్‌పై ఈ సాంగ్‌ ఉండొచ్చనే ఊహాగానాలు వినిపిస్తున్నాయి.
ఇప్పటికే షూటింగ్‌ పూర్తి చేసుకున్న ఈ చిత్రం ఏప్రిల్‌ 9వ తేదిన థియేటర్లలోకి రానుంది. బాలీవుడ్‌ చిత్రం 'పింక్‌'కు రీమేక్‌గా 'వకీల్సాబ్' వస్తోంది. దిల్ రాజు నిర్మాణంలో వేణు శ్రీరామ్‌ ఈ చిత్రానికి దర్శకత్వం వహిస్తున్నారు