కోలీవుడ్‌ స్టార్‌ హీరో విజయ్(vijay) అభిమానులకు గుడ్‌న్యూస్‌. ఆయన కథానాయకుడిగా త్వరలోనే తెలుగులోకి ఎంట్రీ ఇవ్వనున్నారు. టాలీవుడ్‌(tollywood)లో పేరు పొందిన డైరెక్టర్‌ వంశీ పైడిపల్లి దర్శకత్వంలో విజయ్ ఓ సినిమాలో నటించనున్నారు. ఈ విషయాన్ని వంశీ ఇటీవల వెల్లడించారు.
Thalapathy vijay: విజయ్ తొలి తెలుగు సినిమా కన్ఫర్మ్ - మూవీ న్యూస్
తళపతి విజయ్ తొలి తెలుగు సినిమా ఖరారైంది. తన దర్శకత్వంలో నటిస్తున్నట్లు వంశీ పైడిపల్లి వెల్లడించారు. లాక్డౌన్ తర్వాత పూర్తి వివరాలు ప్రకటించనున్నారు.
విజయ్ తొలి తెలుగు సినిమా
'విజయ్‌తో ప్రాజెక్ట్‌ ఓకే అయ్యింది. విభిన్నమైన కథ భారీ బడ్జెట్‌తో తెరకెక్కనున్న ఈ చిత్రానికి దిల్‌రాజు నిర్మాతగా వ్యవహరించనున్నారు. ప్రస్తుతం ఉన్న పరిస్థితుల రీత్యా లాక్డౌన్(Lockdown) పూర్తయిన తర్వాత అధికారికంగా ఈ ప్రాజెక్ట్‌ ప్రకటిస్తాం. ఈ చిత్రానికి సంబంధించిన మరిన్ని విశేషాలను నెమ్మదిగా వెల్లడిస్తాం' అని వంశీ తాజాగా ఓ పత్రికకు ఇచ్చిన ఇంటర్వ్యూలో తెలిపారు. మరోవైపు విజయ్‌కు తెలుగులోనూ విపరీతమైన ఫ్యాన్‌ ఫాలోయింగ్ ఉంది. ప్రస్తుతం విజయ్ నెల్సన్‌ దర్శకత్వంలో తెరకెక్కుతోన్న చిత్రంలో పనిచేస్తున్నారు. అది పూర్తి అయిన వెంటనే ఆయన వంశీ చిత్రాన్ని ప్రారంభించనున్నారు.
ఇవీ చదవండి: