బాలీవుడ్ నటి కంగన రనౌత్ కన్నీటిపర్యంతమయ్యారు. 'తలైవి' ట్రైలర్ విడుదల కార్యక్రమంలో మాట్లాడుతూ ఆమె భావోద్వేగానికి లోనయ్యారు. తమిళనాడు దివంగత ముఖ్యమంత్రి జయలలిత జీవితకథ ఆధారంగా విజయ్‌ దర్శకత్వంలో రూపొందిన చిత్రంలో జయలలిత పాత్రను కంగన పోషించారు.
'తలైవి' ట్రైలర్ కార్యక్రమంలో మాట్లాడుతున్న కంగనా రనౌత్
"ఈ సందర్భంగా నేను ఒకరికి కృతజ్ఞతలు చెప్పాలనుకుంటున్నాను. ఆయన నా ప్రతిభపై నాకు నమ్మకం కలిగేలా చేశారు. సాధారణంగా.. సినిమా సెట్లో ఒక హీరోతో ఉన్నంత చనువుగా ఒక నటితో ఎవరూ ఉండరు. కానీ.. నటీనటులతో ఎలా వ్యవహరించాలనే విషయాన్ని ఆయనను చూసి నేర్చుకున్నా" అని సినిమా డైరెక్టర్‌ విజయ్‌ను ఉద్దేశిస్తూ కంగన చెప్పుకొచ్చారు.