అల్లు అర్జున్ కథానాయకుడిగా సుకుమార్‌ దర్శకత్వంలో రూపొందుతోన్న చిత్రం 'పుష్ప'. రెండు భాగాలుగా భారీ అంచనాల నడుమ తెరకెక్కుతోంది. దాంతో ఈ సినిమా ఎప్పుడు విడుదలవుతుందా? అని ఆసక్తిగా ఎదురుచూస్తోన్న అభిమానుల నిరీక్షణకు తెరపడింది. ఈ సినిమా తొలి భాగం డిసెంబరులో క్రిస్మస్‌ కానుకగా ప్రేక్షకుల ముందుకు రానుంది. ఈ విషయాన్ని తెలియజేస్తూ పోస్టర్‌ను పంచుకుంది చిత్రబృందం. ‘
'పుష్ప పార్ట్ 1' ఈ డిసెంబరులో.. 'తగ్గేదే లే' అని పేర్కొంది. పాన్‌ ఇండియా చిత్రంగా తెలుగు, తమిళం, మలయాళం, కన్నడ, హిందీ భాషల్లో రూపొందుతోంది. ఎర్ర చందనం అక్రమ రవాణా నేపథ్యంలో రానున్న ఈ సినిమాలో రష్మిక కథానాయిక. ఫహాద్‌ ఫాజిల్‌ ప్రతినాయకుడి పాత్ర పోషిస్తున్నారు. దేవి శ్రీ ప్రసాద్‌ సంగీతం అందిస్తున్నారు. మైత్రీ మూవీ మేకర్స్‌ సంస్థ నిర్మిస్తోంది. ముందుగా ఈ చిత్రాన్ని ఆగస్టులో విడుదల చేస్తున్నట్టు ప్రకటించారు. కానీ, కరోనా కారణంగా చిత్రీకరణ వాయిదా పడటం వల్ల డిసెంబరుకు వాయిదా వేశారు. ఈ సినిమాలోని తొలిగీతం ఆగస్టు 13న విడుదల కానుంది.
ఇవీ చదవండి:Pushpa Allu arjun: 'పుష్ప' షూటింగ్ రీస్టార్ట్.. తగ్గేదే లే