AP Ticket Rates Issue: ఆంధ్రప్రదేశ్‌లో ఉన్న సినిమా టికెట్ ధరల విషయంపై ఇంకా ఆ ప్రభుత్వంతో చర్చలు జరుపుతూనే ఉన్నామని నిర్మాత డీవీవీ దానయ్య తెలిపారు. ఇటీవల విడుదలైన 'ఆర్ఆర్ఆర్' ట్రైలర్‌కు ప్రేక్షకుల నుంచి విశేషమైన స్పందన వస్తోన్న తరుణంలో చిత్రబృందం తాజాగా విలేకర్ల సమావేశం నిర్వహించింది.
RRR movie: ఏపీ సినిమా టికెట్ రేట్లు.. ఎన్టీఆర్‌ సాయం తీసుకుంటారా?
RRR movie: హైదరాబాద్లో 'ఆర్ఆర్ఆర్' చిత్రబృందం విలేకర్ల సమావేశం నిర్వహించింది. రాజమౌళి, తారక్, రామ్చరణ్, ఆలియా భట్, నిర్మాత దానయ్య పలు విషయాలను తెలిపారు. ఇందులో భాగంగా ఏపీలో సినిమా టికెట్ల విషయంపై నిర్మాత దానయ్యకు ఓ ఆసక్తికర ప్రశ్న ఎదురైంది. దానికి ఆయన ఏం చెప్పారంటే..
ఆర్ఆర్ఆర్ సినిమా
హైదరాబాద్లో శనివారం ఉదయం జరిగిన ఈ కార్యక్రమంలో రాజమౌళి, చరణ్, తారక్‌తోపాటు దానయ్య పాల్గొన్నారు. ఇందులో భాగంగా ఓ విలేకరి.. "ఏపీలో సినిమా టికెట్ ధరల విషయంలో మీరు ఎన్టీఆర్‌ సాయం ఏమైనా తీసుకుంటారా? ఎందుకంటే ఎన్టీఆర్‌కు ఆప్తులైన ఇద్దరు వ్యక్తులు అక్కడ మంచి స్థాయిలో ఉన్నారు కదా? అని ప్రశ్నించగా.. "సినిమా టికెట్ ధరల విషయంపై ఏపీ ప్రభుత్వంతో చర్చలు జరుపుతున్నాం. త్వరలోనే ఓ కొలిక్కి వస్తోందని భావిస్తున్నాం" అని దానయ్య తెలిపారు.
ఇదీ చూడండి: RRR Press meet: 'అందుకే మాది నిజమైన స్నేహం'