*యువ కథానాయకుడు సందీప్ కిషన్ కూడా పాన్ ఇండియా ఎంట్రీకి సిద్ధమయ్యారు. అతడు హీరోగా 'మైఖేల్' సినిమాను శుక్రవారం ప్రకటించారు. చేతులకు సంకెళ్లు వేసి ఉన్న ఓ లుక్ను కూడా విడుదల చేశారు. స్టార్ నటుడు విజయ్ సేతుపతి కీలకపాత్ర పోషిస్తున్నారు. రంజిత్ జేయ్కోడి దర్శకుడు. తెలుగు, తమిళ, కన్నడ, మలయాళ, హిందీ భాషల్లో ఈ సినిమా విడుదల కానున్నట్లు వెల్లడించారు.
*కింగ్ నాగార్జున కొత్త సినిమా అప్డేట్ మరో రెండు రోజుల్లో రానుంది. ఈ విషయాన్నే చెబుతూ, ప్రీ లుక్ పోస్టర్ను విడుదల చేశారు. పొడవైన కత్తి పట్టుకుని నిల్చున్న నాగ్ లుక్ ఆసక్తి రేపుతోంది. ప్రవీణ్ సత్తారు దర్శకత్వం వహిస్తున్న ఈచిత్రంలో కాజల్ హీరోయిన్.