సినిమాల్లో జయాపజయాలు సహజం. తమ సినిమా హిట్ అయినా.. ఫ్లాప్‌ అయినా మరో మంచి సినిమా తీసేందుకు దర్శకులు తహతహలాడుతారు. అయితే, కొందరు దర్శకులకు మాత్రం గత సినిమాల ఫలితాలు ఎలా ఉన్నా.. మరో సినిమా చేయడానికి చాలా కాలమే పట్టింది. వారంతా ఈ ఏడాదిలోనే సినిమాలు విడుదల చేసి హిట్ కొట్టడం విశేషం. మరి ఆ దర్శకులు ఎవరో చూద్దామా?
బొమ్మరిల్లు భాస్కర్‌
తన తొలి సినిమా టైటిల్‌నే పేరులో చేర్చుకున్న దర్శకుడు.. బొమ్మరిల్లు భాస్కర్‌. ఐదేళ్ల తర్వాత టాలీవుడ్లో 'మోస్ట్ ఎలిజిబుల్ బ్యాచిలర్‌' చిత్రంతో హిట్ సాధించాడు. అఖిల్‌, పూజా హెగ్డే జంటగా నటించిన ఈ చిత్రం ఇటీవల విడుదలై విజయవంతంగా ప్రదర్శితమవుతోంది. భాస్కర్‌ తొలి చిత్రం ‘బొమ్మరిల్లు’ 2006లో విడుదలై బ్లాక్‌బాస్టర్‌ హిట్‌గా నిలిచింది. ఆ తర్వాత ‘పరుగు’, ‘ఆరెంజ్‌’, ‘ఒంగోలు గిత్త’ సినిమాలు తెరకెక్కించగా.. అవి మ్యూజిక్‌ పరంగా మెప్పించినా.. సినిమాలు పెద్దగా ఆకట్టుకోలేదు. దీంతో దర్శకుడికి అవకాశాలూ రాలేదు. చివరగా 2016లో తమిళ్‌లో 'బెంగళూరు నాట్కాల్‌' చిత్రానికి దర్శకత్వం వహించారు.
శ్రీకాంత్‌ అడ్డాల
2008లో ‘కొత్తబంగారు లోకం’ చిత్రంతో దర్శకుడిగా పరిచమైన శ్రీకాంత్‌ అడ్డాలకి.. సకుటుంబంగా చూసే సినిమాలు తీస్తాడన్న పేరుంది. ఆయన తీసిన ‘సీతమ్మ వాకిట్లో సిరిమల్లె చెట్టు’, ‘ముకుంద’, ‘బ్రహ్మోత్సవం’ చిత్రాలు అలాంటివే మరి. 2016లో వచ్చిన ‘బ్రహ్మోత్సవం’ తర్వాత చాలా గ్యాప్ ఇచ్చిన శ్రీకాంత్‌ అడ్డాల.. ఈసారి తన శైలికి భిన్నంగా తమిళ చిత్రం ‘అసురన్‌’ను తెలుగులో ‘నారప్ప’గా వెంకటేశ్‌తో రీమేక్‌ చేశారు. ఆ చిత్రం గత జులై 20న అమెజాన్‌ ప్రైమ్‌ ఓటీటీలో విడులైంది. సినిమాలో వెంకటేశ్‌ నటనకు ప్రశంసలు లభించాయి.
గోపీచంద్‌ మలినేని