MAA Election: 'మా' ఎన్నికలపై బండి సంజయ్ కామెంట్స్ ఏంటి? ప్రకాశ్రాజ్ ఎందుకలా రియాక్ట్ అయ్యారు?
11:19 October 11
Bandi Sanjay Tweet on MAA Election : 'మా' ఎన్నికలపై బండి సంజయ్ ట్వీట్
మూవీ ఆర్టిస్ట్స్ అసోసియేషన్ ఎన్నికల్లో ఓటర్లు స్ఫూర్తిదాయకమైన తీర్పు ఇచ్చారని భాజపా రాష్ట్ర అధ్యక్షుడు బండి సంజయ్(Bandi Sanjay Tweet on MAA Election) అన్నారు. 'మా' ఎన్నికల్లో.. అధ్యక్షుడిగా గెలిచిన మంచు విష్ణు, అతని ప్యానెల్ సభ్యులకు అభినందనలు తెలిపారు. 'జాతీయవాద వ్యతిరేక శక్తుల్ని చిత్తుగా ఓడించిన 'మా' ఓటర్లకు ధన్యవాదాలు' అంటూ ట్విటర్లో పోస్ట్ చేశారు. 'దేశాన్ని విచ్ఛిన్నం చేయాలనుకున్న తుకుడే గ్యాంగ్కు మద్దతిచ్చిన వారికి సరైన గుణపాఠం చెప్పారు'అని ట్వీటారు.
మరోవైపు మా ఎన్నికల్లో ఓటమి పాలైన ప్రకాశ్ రాజ్ తన సభ్యత్వానికి రాజీనామా చేశారు. తాను తెలుగుబిడ్డను కాదన్నందుకే 'మా'ను వీడుతున్నట్లు స్పష్టం చేశారు. బండి సంజయ్ ట్వీట్ గురించి ప్రశ్నించగా.. 'మా'లో రాజకీయాలు ఎంట్రీ ఇచ్చాయని.. అది తనకు నచ్చలేదని అన్నారు. అందుకే అక్కడ ఉండలేక రాజీనామా చేస్తున్నట్లు చెప్పారు.
- ఇదీ చదవండి : 'మా' సభ్యత్వానికి ప్రకాశ్రాజ్ రాజీనామా