గ్రీన్ ఇండియా ఛాలెంజ్: మొక్కలు నాటిన 'ఆర్ఆర్ఆర్' టీమ్

గ్రీన్ ఇండియా ఛాలెంజ్​లో పాల్గొన్నారు ప్రముఖ దర్శకుడు రాజమౌళి. రామ్ చరణ్ విసిరిన సవాల్ స్వీకరించి 'ఆర్ఆర్ఆర్' చిత్రబృందం చేత మొక్కలు నాటించారు.

గ్రీన్ ఇండియా చాలెంజ్‌లో భాగంగా 'ఆర్ఆర్ఆర్' చిత్ర యూనిట్ ప్రత్యేకత చాటుకుంది. రామ్‌చరణ్ విసిరిన గ్రీన్ ఇండియా సవాల్ స్వీకరించిన దర్శకుడు రాజమౌళి తన చిత్ర యూనిట్‌తో పెద్ద సంఖ్యలో మొక్కలు నాటించారు. ఈ చాలెంజ్‌లో భాగంగా చిరంజీవి 'ఆచార్య', ప్రభాస్ 'రాధేశ్యామ్‌', అల్లు అర్జున్ 'పుష్ప' చిత్రబృందాలకు సవాల్‌ విసిరారు.