హీరో సిద్ధార్థ్​కు తమిళనాడు పోలీసులు సమన్లు

Saina siddharth tweet: సైనాపై వివాదాస్పద ట్వీట్ విషయంలో హీరో సిద్ధార్థ్​కు పోలీసులు సమన్లు జారీ చేశారు. ప్రధాని పర్యటనలో భద్రతా వైఫల్యంపై సైనా చేసిన ట్వీట్​పై సిద్ధార్థ్ అసభ్యకరంగా రీట్వీట్ చేయడమే ఇందుకు కారణం.

Siddharth news: హీరో సిద్ధార్థ్ మరోసారి వార్తల్లో నిలిచాడు. స్టార్ షట్లర్ సైనా నెహ్వాల్​పై వివాదాస్పద ట్వీట్ విషయంలో తమిళనాడు పోలీసులు అతడికి సమన్లు జారీ చేశారు. ఈ విషయాన్ని చెన్నై పోలీస్ కమిషనర్ వెల్లడించారు.

పంజాబ్​లో ప్రధానిమంత్రి నరేంద్రమోదీ పర్యటనలో భద్రతా వైఫల్యం చోటు చేసుకుంది. ఈ విషయమై షట్లర్ సైనా, ప్రధానికే భద్రత లేకపోతే దేశవాసులకు పరిస్థితి ఏంటో అని ట్వీట్ చేశారు. దీనిపై రీట్వీట్ చేసిన హీరో సిద్ధార్థ్.. అసభ్యకర రీతిలో కామెంట్ పెట్టాడు. దీంతో అతడిపై సర్వత్రా విమర్శలు వస్తున్నాయి.

అయితే సిద్ధార్థ్​ నుంచి క్షమాపణలు కోరిన జాతీయ మహిళ కమిషన్.. భవిష్యత్తులో ఎవరు ఇలాంటి ట్వీట్లు చేయకుండా సిద్ధార్థ్​పై తగిన చర్యలు తీసుకోవాలంటూ తమిళనాడు డీజీపీకి లేఖ రాసింది. ఈ సందర్భంగానే చెన్నై పోలీసులు అతడికి సమన్లు జారీ చేశారు.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇవీ చదవండి: