తమన్నా.. గ్లామర్ పాత్రల్లో ఇట్టే ఒదిగిపోయే ఈ అమ్మడు ఇప్పుడు తన పంథాను మార్చుకుంది. హర్రర్, థ్రిల్లర్ కథాంశాలే ఎక్కువగా ఎంచుకుంటూ.. వరుస పెట్టి సినిమాలు చేస్తోంది. ఇప్పటికే దేవి 2(అభినేత్రి 2), ఖామోషి చిత్రాలతో ప్రేక్షకులను అలరించింది. తాజాగా రాజుగారి గది-3లోనూ అవకాశం దక్కించుకుంది.
దేవి 2 హర్రర్ చిత్రం కాగా.. హిందీలో వచ్చిన ఖామోషి సైకో థ్రిల్లర్. ఇప్పుడు రాబోతున్న రాజుగారి గది మూడో భాగం కూడా హర్రర్ నేపథ్యంలోనే తెరకెక్కబోతుంది. అంతేకాకుండా 2017లో తెలుగులో హిట్టైన హర్రర్ కామెడీ ఆనందో బ్రహ్మ తమిళ రిమేక్లో ప్రధాన పాత్రలోనూ నటిస్తోంది తమన్నా.