ఫైర్​ బ్రాండ్​.. కబడ్డీ కోచ్​గా మారితే..!

కబడ్డీ నేపథ్యంలో తెరకెక్కుతోన్న చిత్రం 'సీటీమార్​'. సంపత్​నంది దర్శకత్వంలో గోపిచంద్​, తమన్నా ప్రధానపాత్రలు పోషిస్తున్నారు. గణతంత్ర దినోత్సవం సందర్భంగా ఈ సినిమా ఫస్ట్​లుక్​ను రిలీజ్​ చేసిన చిత్రబృందం.. తాజాగా హీరోయిన్​ తమన్నా పాత్రను పరిచయం చేస్తూ మరో లుక్​ను విడుదల చేసింది.

మిల్కీబ్యూటీ తమన్నా ఈ సారి కబడ్డీ కోచ్​గా ప్రేక్షకులను అలరించనుంది. టాలీవుడ్‌ నటుడు గోపీచంద్‌ కథానాయకుడిగా నటిస్తున్న చిత్రం 'సీటీమార్‌'. కబడ్డీ నేపథ్యంలో తెరకెక్కుతున్న ఈ సినిమాకి సంపత్‌ నంది దర్శకత్వం వహిస్తున్నాడు. గణతంత్ర దినోత్సవాన్ని పురస్కరించుకుని ఇటీవల ఈ సినిమా ఫస్ట్‌లుక్‌ పోస్టర్‌ను అభిమానులతో పంచుకుంది చిత్రబృందం. తాజాగా తమన్నా ఫస్ట్‌లుక్‌ను విడుదల చేసింది. ఇందులో జ్వాలారెడ్డి అనే కబడ్డీ కోచ్‌గా కనిపించనుంది తమన్నా. 'ఒక ఫైర్‌.. కబడ్డీ కోచ్‌ అయితే ఇలా ఉంటుంది' అని ఫస్ట్​లుక్​లో పేర్కొంది.

సీటీమార్​ చిత్రంలో జ్వాలారెడ్డిగా తమన్నా

గతేడాది విడుదలైన 'సైరా నరసింహారెడ్డి' చిత్రంలో లక్ష్మీగా అలరించి.. ప్రేక్షకులను మెప్పించింది నటి తమన్నా. సినిమాలో ఆమె నటనను సినీ ప్రముఖులు, సినీ ప్రియులు ప్రశంసించారు. అంతేకాకుండా ఈ ఏడాది మహేశ్‌ కథానాయకుడిగా నటించిన 'సరిలేరు నీకెవ్వరు' సినిమాలో పార్టీ సాంగ్‌తో ప్రేక్షకులను ఉర్రూతలూగించింది మిల్కీబ్యూటీ.

ఇదీ చూడండి..విజయ్​లో చాలా షేడ్స్​ ఉన్నాయి: కేథరిన్​