బన్నీ సినిమా సెట్లో అడుగుపెట్టిన టబు

త్రివిక్రమ్-అల్లు అర్జున్ సినిమాలో టబు నటిస్తున్నట్లు ధ్రువీకరించింది చిత్రబృందం. తొలిరోజు ఆమె సెట్​లో ఉన్న వీడియోను అభిమానులతో పంచుకున్నారు.

ప్రస్తుతం త్రివిక్రమ్ దర్శకత్వంలో నటిస్తున్నాడు అల్లు అర్జున్. శరవేగంగా షూటింగ్​ జరుపుకుంటోంది. #ఏఏ19 వర్కింగ్​ టైటిల్​తో తెరకెక్కుతున్న ఈ చిత్రంలో నటి టబు ప్రత్యేక పాత్రలో కనిపించనుంది. ఈ విషయాన్ని ధ్రువీకరిస్తూ చిత్రబృందం బుధవారం ఓ వీడియోను పంచుకుంది. ఇందులో స్క్రిప్ట్​ చదువుతూ కనిపించింది. బాలీవుడ్​లో ఇటీవలే 'దే దే ప్యార్​ దే', 'భారత్'లో నటించి సందడి చేసిందీ భామ. ​

ఈ సినిమాలో బన్నీ సరసన పూజా హెగ్డే హీరోయిన్​గా నటిస్తోంది. నివేదా పేతురాజ్ మరో కథానాయికగా కనిపించనుంది. నవదీప్, సుశాంత్ కీలక పాత్రలు పోషిస్తున్నారు. తమన్ సంగీతాన్ని అందిస్తున్నాడు. వచ్చే ఏడాది సంక్రాంతి కానుకగా ప్రేక్షకుల ముందుకు రానుంది.

ఇది చదవండి: చిరంజీవిని కలిసిన పవన్.. అభిమానుల్లో ఆసక్తి