'రష్మీ రాకెట్' సినిమా కోసం హీరోయిన్ తాప్సీ చాలా కసరత్తులు చేస్తోంది. ఇందులోని పాత్ర కోసం 244 కిలోల బరువులు ఎత్తింది. ఆ ఫొటోలను తాజాగా ఇన్స్టాలో షేర్ చేసిందీ నటి. మూవీ కోసం శరీరాకృతిని మార్చుకోవడమే తన ప్రధాన లక్ష్యం అంటూ క్యాప్షన్ పెట్టింది.
జిమ్లో 240 కిలోల బరువులెత్తిన తాప్సీ
చిత్ర పరిశ్రమలో బయోపిక్ల హవా నడుస్తోంది. పాత్రలకు అనుగుణంగా తమను తాము మార్చుకోవడానికి నటీనటులు ఏ మాత్రం వెనక్కి తగ్గట్లేదు. తాజాగా హీరోయిన్ తాప్సీ కూడా ఈ జాబితాలో చేరిపోయింది. 'రష్మీ రాకెట్' సినిమా కోసం ఏకంగా 244 కిలోల బరువులు ఎత్తింది. ప్రస్తుతం ఆ ఫొటోలు నెట్టింట చక్కర్లు కొడుతున్నాయి.
సినిమా కోసం భారీ బరువులు మోస్తున్న తాప్సీ
గుజరాత్కు చెందిన అథ్లెట్ రష్మీ పాత్రలో తాప్సీ నటిస్తోంది. పూర్తి స్థాయి అథ్లెట్లా కనిపించడానికి ఇలా శిక్షణ తీసుకుంటుంది. ఈ సినిమాకు ఆకర్ష్ ఖురానా దర్శకత్వం వహిస్తున్నారు. 2021లో ఈ మూవీని ప్రేక్షకుల ముందుకు తీసుకురానున్నారు.
ఇదీ చూడండి:తాప్సీ కష్టానికి కాజల్‌ ఫిదా