పాత్ర కోసం ఎంతటి కష్టాన్నైనా భరించడానికి ముందుంటారు నటీనటులు. హీరోలకు ఏమాత్రం తీసిపోకుండా హీరోయిన్లు సైతం తాము పోషించే పాత్రలు డిమాండ్‌ చేస్తే జిమ్‌లో చెమటలు చిందించడానికి వెనుకాడడం లేదు. తాజాగా నటి తాప్సీ 'రష్మి రాకెట్' కోసం అదే విధంగా శ్రమించారు. ఆమె కష్టాన్ని చూసి కాజల్‌ ఫిదా అయ్యారు.
మహిళా ప్రాధాన్యమున్న చిత్రాల్లో నటించి తనకంటూ ప్రత్యేకమైన గుర్తింపు తెచ్చుకున్న తాప్సీ ప్రస్తుతం రష్మీ రాకెట్ కోసం పనిచేస్తున్నారు. గుజరాత్‌కు చెందిన అథ్లెట్‌ రష్మీగా ఆమె కనిపించనున్నారు. పూర్తిస్థాయి అథ్లెట్‌గా కనిపించేందుకు న్యూట్రీషియనిస్టు, ఫిజియోథెరఫిస్టు, ట్రాక్‌ ట్రైనర్‌, అథ్లెటిక్‌ కోచ్‌.. సహకారాన్ని తీసుకున్నారు. గ్రౌండ్‌లో చెమటోడుస్తున్న పలు ఫొటోలను ఇప్పటివరకూ షేర్‌ చేసిన ఆమె తాజాగా తన ట్రైనింగ్‌కు సంబంధించి ఓ స్పెషల్‌ వీడియోను అభిమానులతో పంచుకున్నారు.